影片
更多
2022-07-03
376 浏览
中環 H Code 地點比較隱蔽，但其實大廈入面藏有好幾間食肆，比較多人認識嘅NOJO就係喺呢座大廈嘅地下位置喇。今次係我第4次去H Code搵食，揀嘅餐廳位於係26樓嘅Carbon。26樓係H Code最高嘅樓層，去到先發覺原來係有條樓梯可以直接上天台㗎喎。天台以飲酒為主，食weekend brunch 嘅話就只能於室內地方用膳。餐廳室內用餐區空間感十足，枱與枱之間距離唔會太近，幾適合同朋友去眾餐及傾計。樓底高之餘全間餐廳採用落地玻璃，一邊食飯飲酒同時可以欣賞中環嘅樓景。只在weekend及公眾假期提供嘅brunch，每位收費HKD398 (需另加一)，有前菜、主菜及甜品。除咗主菜要揀之外前菜及甜品都已經係set 定。個brunch唔包飲品，想飲嘢嘅話可以另外加錢要free flow。我哋就覺得冇需要所以每人叫咗杯飲品。前菜以蔬菜為主，份量就為二人份量，我哋食晒三款之後都已經半飽😂😂初初對”Chicken liver pate“ 呢款前菜有所保留(因為我對雞肝醬真係麻麻地)，點知將雞肝醬搽上薯片後先食又幾好味喎。”Spinach & Artichoke Dip“ 係熱盤類食物，菠菜巴
餐廳室內用餐區空間感十足，枱與枱之間距離唔會太近，幾適合同朋友去眾餐及傾計。樓底高之餘全間餐廳採用落地玻璃，一邊食飯飲酒同時可以欣賞中環嘅樓景。
只在weekend及公眾假期提供嘅brunch，每位收費HKD398 (需另加一)，有前菜、主菜及甜品。除咗主菜要揀之外前菜及甜品都已經係set 定。個brunch唔包飲品，想飲嘢嘅話可以另外加錢要free flow。我哋就覺得冇需要所以每人叫咗杯飲品。
前菜以蔬菜為主，份量就為二人份量，我哋食晒三款之後都已經半飽😂😂初初對”Chicken liver pate“ 呢款前菜有所保留(因為我對雞肝醬真係麻麻地)，點知將雞肝醬搽上薯片後先食又幾好味喎。”Spinach & Artichoke Dip“ 係熱盤類食物，菠菜巴馬臣芝士配酸種麵包。
▫️Chicken Liver Pate
▫️Spinach & Artichoke Dip
▫️Summer Salad
主菜有5款選擇(其中兩款要另外加錢)，我哋揀咗比較受歡迎嘅 “The Big Bagel” - 有火腿、煙三文魚、唔同口味嘅貝果、烤火雞雄、鴨胸、生果等(食物種類真係唔知點數😂😂)。所有食物整齊地排列好放喺一塊巨型嘅木板上，顏色鮮豔又夠震撼。食前相機食先一定走唔甩。由於仲有甜品嘅關係，我哋唔敢食得太多，要留肚食甜品呀。
甜品: “Cookie DPT Sundae” - 我哋好慶幸有留肚食甜品🤣 雪糕種類有蘋果、雲尼拿及士多啤梨口味，配Cookies DPT出品嘅曲奇餅餅味道又幾夾喎。曲奇餅中間有層朱古力，極之邪惡！放喺曲奇餅側邊係Strawberry Croissant，係跟”The Big Bagel”呢款主菜嘅。店員同我哋講解因為係甜點所以先會跟甜品一齊上。
呢個早午餐真係好豐富，價位比起同區餐廳唔算貴，唯一缺點就係唔包飲品。想喺週末歎番個豐富早午餐嘅話可以考慮吓呢間。
⭐️前菜及甜品會不定期更換
张贴
