美好快餐店 (已搬遷) 新店位置

今日放假起身已經十點幾，落街搵嘢食已經十一點幾，都冇早餐啦，阿女嚷著要食湯粉， 呢間第一城嘅飯堂， 午餐時段都會有常餐，炒粉麵飯，燒味，生滾粥，樣樣有樣樣齊。呢個時段唔算多人都容易搵到位，室內環境舒適，大量四人枱，靠牆也有二人枱。魚香茄子炆米係我嘅飛佛， 師傅到炒得唔錯，可惜鹹魚味欠奉。早餐~雪菜肉絲湯米，火腿奄列，牛油麵包，加個少甜檸檬茶，雪菜肉絲米大量雪菜，味道唔錯，湯底ok。時菜魚柳濕炒河，炒得好香口，這個餐包一杯熱嘅袪濕薏米水，這個天氣好啱飲。