The BASE (已結業)

放假最好就係瞓到自然醒，然後去食個brunch~ 今日揀咗去觀塘工廈嘅The base, 餐廳裝修有格調， 感覺舒服～ 餐廳都算多人未夠一點已經坐滿人brunch 有9項選擇，我叫咗 Full day breakfast～ 上菜速度都算快，賣相唔錯，有好幾款食物～ 自家製鵝肝雞肉批，雞肉包住鵝肝製成肉卷，口感特別，味道不錯～ 大啡菇.菠菜.溫泉蛋，配搭特別，溫泉蛋好滑好流心，同大啡菇同菠菜好夾～ 火腿好香口，好味～ 雞肉腸，豬肉腸都好香，有口香味，唔會太鹹～ 煙肉煎得好脆，薯餅外脆內軟，燒蕃茄好多汁，新鮮酸椰菜用咗紫椰菜，酸酸地，好開胃～ 西柚沙田柚沙律，每一片菜都有沙律汁，好均勻，唔錯～牛角包好新鮮，烤到外脆內軟好味～ 餐飲揀咗椰子拿鐵，拉花好靚，好香椰子味，同咖啡好夾，幾特別～食物質素唔錯，感覺餐廳係用心製作每一件食物的👍🏻～ 下次一定會再去試其他食物～