合十 (已結業)

喺網上見到呢間🔸Fusion Tens🔸 有一個戶外用餐位置, 掛滿燈仔好吸引, 所以就約埋朋友一齊去試吓。一入到餐廳就覺得充滿Boho 風, 再行出少少就見到滿天星嘅戶外位置喇, 可能因為中午仲有日光所以d 滿天星唔算太突出, 相信夜晚會有不一樣嘅感覺。🍽 60度溫泉蛋卡邦尼意粉意粉present 得好靚, 有Parmesan cheese 同香草放喺面。意粉除咗有溫泉蛋, 仲有煙肉, 雜菌同洋蔥。意粉軟硬適中, 醬汁做得好 Creamy, 濃濃嘅忌廉同芝士味, 撈埋溫泉蛋一齊食就更加順滑, 條條意粉都可以掛汁。🍽 巨型豬扒跟薯菜雖然豬扒比手掌大, 不過又比想像中細, 可能因為巨型呢2粒字惹來無限遐想😝 豬扒即叫即整, 燒得好香, 充滿濃濃肉汁好 Juicy, 而豬扒嘅肉質好軟腍, 好食。餐廳好有心思, 有好多打卡位, 氣氛好好, 如果要同人慶祝會係一個好好嘅選擇。