影片
更多
2017-12-21
60 浏览
朋友就黎生日，相約到酒吧輕鬆一下。由銅鑼灣一直向港口方向行，經過一堆「橋底辣蟹」後就到達Ember。雖然唔係位於鬧市中心，但其實都易搵，而且環境舒服，所以就算星期一晚上，都坐滿客人。呢度無論小食定主菜，都好多選擇，花多眼亂。佐酒小食，更係佔滿大半版menu位置。我地先點左份nachos($108)。無論入貨又好，自家製又好，呢份nachos都十分好味，非常香口脆身。另附三款醬汁任君選擇，我個人當然最愛用牛油果而製成嘅guacamole。Guacamole清新開胃，富有口感，蘸滿粟米片食，又可以減低邪惡感。想健康一啲，要咗個北海道帶子鮮果藜麥沙律($158)。作為一道沙律，要價不斐，但食材上盛，絕對食得出分別。沙律賣相精美，輕輕煎過嘅北海道帶子放面，帶子大大粒，肉厚多汁，鮮味十足。下面主要係藜麥，中間混有青蘋果粒，口感豐富又清新。伴碟亦有比較少係餐廳食到嘅另一superfood - 無花果，甜甜地，又健康。主菜最後揀左鮮蟹肉煙肉海膽汁扭捲粉伴鮮海膽($178)，從菜名基本上已經參透所有食材。對於海膽汁同扭捲粉無乜概念，起初都有啲擔心會唔會中伏。估唔到海膽同海膽汁如此鮮甜，食得出用料絕對新
呢度無論小食定主菜，都好多選擇，花多眼亂。佐酒小食，更係佔滿大半版menu位置。
我地先點左份nachos($108)。無論入貨又好，自家製又好，呢份nachos都十分好味，非常香口脆身。另附三款醬汁任君選擇，我個人當然最愛用牛油果而製成嘅guacamole。Guacamole清新開胃，富有口感，蘸滿粟米片食，又可以減低邪惡感。
想健康一啲，要咗個北海道帶子鮮果藜麥沙律($158)。作為一道沙律，要價不斐，但食材上盛，絕對食得出分別。沙律賣相精美，輕輕煎過嘅北海道帶子放面，帶子大大粒，肉厚多汁，鮮味十足。
下面主要係藜麥，中間混有青蘋果粒，口感豐富又清新。伴碟亦有比較少係餐廳食到嘅另一superfood - 無花果，甜甜地，又健康。
主菜最後揀左鮮蟹肉煙肉海膽汁扭捲粉伴鮮海膽($178)，從菜名基本上已經參透所有食材。對於海膽汁同扭捲粉無乜概念，起初都有啲擔心會唔會中伏。估唔到海膽同海膽汁如此鮮甜，食得出用料絕對新鮮。扭捲粉與貝殼粉相似，屬長條型分枝，意粉吸收滿醬汁，煙韌彈牙。
飲品方面，兩個人最後(竟然係)選擇咗mocktail($88/each; $70/HH)，只能慨嘆一句，大家都不再年輕。我點左一杯Healthy Drink，第一次嘗試tomato juice加yogurt呢個組合，個人都幾中意呢個配搭，清清甜甜。
朋友點嘅係Juice Combo，菠蘿同橙汁味道最出眾，唔會太甜。特別同侍應講想要少甜，走syrup，先知原來呢度嘅飲品都要求原汁原味，唔會加糖漿，正合我地意。
大概八點半左右，有live band表演。邀請嘅係本地歌手，唱出熟悉嘅歌曲，更覺窩心。聲量大小控制得剛剛好，歌聲中仍然可以同朋友靜靜地傾計。簡簡單單同好友飲杯野，傾下計，驅走blue monday嘅悶氣。
张贴
