巴辣仔烤魚雞煲 (加連威老道) (已結業)

耐唔中食吓辣🌶️真係爽一爽🌶️😃真係成個人醒哂精神哂！隔離舖老闆去開咗位約我即興食個lunch😬食飽又齊齊各自番舖頭打拼💪💪. 一人烤魚餐（花鱸魚）好食！好食！好食！真實味蕾感受係要講三次👍係原條魚咁熱辣辣連爐火咁上🔥未食已經流曬口水！魚肉皮脆肉滑每一口都係感動❤️湯底點咗bb香辣！ko條鱸魚之後落埋跟餐嘅極煙韌薯粉連埋湯入面嘅香料、原粒蒜頭、海帶結撈埋一齊吸哂精華食超級惹味😋😋唔夠喉仲追加咗鍋配料😆大大粒飽滿鮮蝦雲吞＆爽口黑栢葉沾湯一齊食！. 川味口水雞飯 嫩滑雞肉配埋辣辣口水汁🌶️🌶️🌶️真係越食越開胃呀！不過Be要一路食埋伴碟嘅青瓜＆跟餐白飯中和番條脷味蕾😝😝.手拍青瓜好新鮮爽脆！每一啖都嗦嗦聲！係夏天最愛嘅伴餐小食🥒✨. 咸檸雪碧＆凍奶茶凍奶茶係好飲嘅！但強烈建議食呢啲飲咸檸七係超合適👍👍解辣又清熱！！