影片
更多
2010-06-18
28 浏览
Happy birthday!X話去碼頭....我都估到係黎依度食啦!因為個日落雨 1入到去待應都好主動幫我keep起把遮 抵讚.Book左window seat 落地大玻璃 動人夜色....1坐低先叫左杯waitress介紹既Sauvignon Blanc 2009年既新仔 都幾好入口.麵包非常普通 唔食都唔可惜.Starters:1) 珍寶蟹肉餅 / 醃青瓜 / 青檸牛油汁 Jumpbo lump crab cake / pickled cucumber / lime butter 蟹餅Size細細 估唔到有咁多蟹肉 啖啖都係鮮嫰多汁 表面頌煎到金黃香脆 配埋青瓜同青檸汁 清新得黎又唔會太油 非常啱中意食蟹又怕麻煩既食友們! 2) 愛爾蘭鮮蠔 / 乾蔥紅醋汁 Irish rock oytsers / shallot vinegar 6隻蠔都好鮮味 海水味較重 如果配汁會無咁Salty 不得不提旁邊既多士 雖然只有少少沙律係面 但係食完蠔食番片多士先再試下1道菜就試得更加清楚啦Soup:1) 海鮮濃湯 / 香蒜包粒 / 蒜蓉紅花蛋黃醬 Seafood bo
X話去碼頭....我都估到係黎依度食啦!
因為個日落雨 1入到去待應都好主動幫我keep起把遮 抵讚.
Book左window seat 落地大玻璃 動人夜色....
1坐低先叫左杯waitress介紹既Sauvignon Blanc
2009年既新仔 都幾好入口.
麵包非常普通 唔食都唔可惜.
Starters:
1) 珍寶蟹肉餅 / 醃青瓜 / 青檸牛油汁
Jumpbo lump crab cake / pickled cucumber / lime butter
蟹餅Size細細 估唔到有咁多蟹肉 啖啖都係鮮嫰多汁 表面頌煎到金黃香脆 配埋青瓜同青檸汁 清新得黎又唔會太油 非常啱中意食蟹又怕麻煩既食友們!
2) 愛爾蘭鮮蠔 / 乾蔥紅醋汁
Irish rock oytsers / shallot vinegar 6隻蠔都好鮮味 海水味較重 如果配汁會無咁Salty 不得不提旁邊既多士 雖然只有少少沙律係面 但係食完蠔食番片多士先再試下1道菜就試得更加清楚啦
Soup:
1) 海鮮濃湯 / 香蒜包粒 / 蒜蓉紅花蛋黃醬
Seafood bouillabisse / garlic croutons / saffron aioli
依個湯我地Share 所以佢地會分左先上 但我估唔到每人碗湯入面頌有咁多配料 有鮮蝦,青口,帶子,魚柳,蟹肉,著仔.... 個湯偏稠 味道亦都好鮮好濃 又係 旁邊既多士今次配奶油1樣精彩!
Main Courses:
1) 波士頓龍蝦 / 忌廉芥末汁 / 陳年牛奶芝士 / 香草蘆筍 ( 唔記得影相 )
Half Boston lobster / Dijon cream / age parmenson / tarragon asparagus
我只試左1啖 龍蝦肉唔會煮得太過火 肉質紮實 唔係好食到芥末既味道
************************************************************************************************
中間發生既小插曲: 話說當個長通粉黎既時候我呆1呆 我明明係叫闊麵嫁....叫左個waitress黎問問 但佢話X當時係指住依個Course名....可能X又無DOUBLE CHECK啦....佢問我係咪唔OK 我無出聲 因為如果叫多個又怕食唔曬 但我本身都唔係想食依個 X都有錯 無理由要人地換 咁我就話算啦 1分鐘後 waitress又行番黎同我講幫我落番ORDER 個通粉佢話送比我地食 我即刻開心番 我諗佢地係因為知道我生日所以唔想掃我興啦
************************************************************************************************
2) 黑松露菌長通粉 / 芫茜 / 半乾蕃茄
Truffled maccheroni / coriander / semi-dried tomatoes
1個意外 估唔到竟然係驚喜 通粉比濃濃既醬汁包圍住 雖然個汁好香 但太多都會漏 但半乾蕃茄既酸味就啱啱中和到個種感覺 唔好既地方就係太多油啦 ....
3) 海鮮闊條麵 / 朝鮮薊 / 濃雞汁
Seafood fettucine / artichoke / chicken reduction 佢黎到既時候已經飽9成....成隻炸軟穀蟹係面 又係非常咁足料 除左頭先海鮮湯提過既海鮮之外 頌有饅魚 我覺得依個闊條麵係完全係越式 可能係因為朝鮮薊 加上成個闊麵既酸味 令我諗起酸辣湯......
Desserts:
1) 暖心巧克力 / 香草意式雪糕
Soft center 64% Manjari chocolate foundant / vanilla gelato
附上生日蠟燭 蛋糕做得夠薄 朱古力漿包得夠多 亦都流心 64%又唔會太甜 同vanilla gelato 1齊食係1個美好既句號.
P.S: 的確係有食友們所講既"震"問題 但我諗環境已經可以令你分心
侍應既人手唔太足夠 有時想搵佢地都唔係咁易 但佢地都helpful.
Thanks for everything you did for me....
张贴
