更多
2024-03-17
148 浏览
❤️此店不红 天理不容❤️我系上环街坊都十年八载啦,因为有小朋友关系所以食亲外卖多数都系叉饭或者Pizza。今次喺外卖平台碌碌吓见到呢间猪扒好似唔错,所以叫咗外卖自取试下,点知一鸣惊人!!一系唔食一食要连食两日!!1. 芝士苹果焗猪扒饭我由拎外卖返到屋企,起码都隔咗成15分钟,但系个饭嘅都仲系好热,要赞👍个饭有炒底冇俾啲汁焗到淋pat pat咁又香又咬口-好食👍个汁同个苹果夹到得好好,甜酸比例简直系绝配👍最紧要梗系块猪扒啦-厚切Juicy好味顶流👍👍👍 我够胆讲句,佢一定吊打晒全中上环甚至系全港岛嘅焗猪扒饭!!2.卡邦尼焗猪扒饭配温泉蛋猪扒同饭都好正,唔重复咋赞啦。芝士白汁都唔算好腻,唔错👌3. 芝士焗越式水咖喱猪扒饭 呢个饭都系一个惊喜,我冇谂过佢个咖喱汁调得咁好食,连我个仔(10岁)都食到舔舔脷👍4. side dish 肉丸 本身谂住搭单买啲snacks咬下,哗!点知粒肉丸又Juice又弹牙,最后我哋一家要抢着嚟食❤️5. 炸薯条 外卖关系返到屋企有已经冧咗d, 但系都好有薯味,最后当然都系清碟啦。本身我冇谂过间嘢会系咁惊喜,所以冇影相🙏🏻谂起要食食评嘅时候已经清枱晒啦。其实佢个
我系上环街坊都十年八载啦,因为有小朋友关系所以食亲外卖多数都系叉饭或者Pizza。今次喺外卖平台碌碌吓见到呢间猪扒好似唔错,所以叫咗外卖自取试下,点知一鸣惊人!!一系唔食一食要连食两日!!
1. 芝士苹果焗猪扒饭
我由拎外卖返到屋企,起码都隔咗成15分钟,但系个饭嘅都仲系好热,要赞👍个饭有炒底冇俾啲汁焗到淋pat pat咁又香又咬口-好食👍个汁同个苹果夹到得好好,甜酸比例简直系绝配👍最紧要梗系块猪扒啦-厚切Juicy好味顶流👍👍👍 我够胆讲句,佢一定吊打晒全中上环甚至系全港岛嘅焗猪扒饭!!
2.卡邦尼焗猪扒饭配温泉蛋
猪扒同饭都好正,唔重复咋赞啦。芝士白汁都唔算好腻,唔错👌
3. 芝士焗越式水咖喱猪扒饭
呢个饭都系一个惊喜,我冇谂过佢个咖喱汁调得咁好食,连我个仔(10岁)都食到舔舔脷👍
4. side dish 肉丸
本身谂住搭单买啲snacks咬下,哗!点知粒肉丸又Juice又弹牙,最后我哋一家要抢着嚟食❤️
5. 炸薯条
外卖关系返到屋企有已经冧咗d, 但系都好有薯味,最后当然都系清碟啦。
本身我冇谂过间嘢会系咁惊喜,所以冇影相🙏🏻谂起要食食评嘅时候已经清枱晒啦。其实佢个外卖packing都好professional好靓仔,又有design 有保暖,成件事都好有heart!
我希望佢长做长有!可以保持水准💪🏼
张贴