B-mix 燒肉餐酒館 (已結業)

Happy Friday 梗係要出街食飯啦， 約咗好友去元朗吹水食燒肉！ 位於元朗嘅《 B-mix 燒肉餐酒館 》，餐廳環境好舒服，座位超闊落，有個大電視，仲有音樂播放，氣氛超正！ 食肆開始放寬，佢哋仲有幾間Party Room，開party啱晒啦！ 我揀咗二人燒肉套餐，材料豐富，包括有沙律，丼飯、刺身、先付二品、海鮮三盛合、燒肉拼盤&野菜盤。刺身三點盛， 有蝦、帶子同八爪魚，鮮甜可口。首先食個開胃《B-Mix 沙律》， 味道清新，酸酸甜甜， 好開胃。《B-Mix 丼飯》，材料都好豐富，而且味道好夾， 三文魚子、紫菜&溫泉蛋一齊食，好好味， 層次好豐富。先付二品原來係日本大根漬+日本野生牛蒡漬。《海鮮三盛合》， 包括有蠔、帶子同鮑魚，鮑魚爽口彈牙， 帶子鮮味無比，蒜蓉牛油焗蠔超正，又鮮又Creamy。燒肉我揀了牛肉，包括有小牛排、牛肉粒&厚切牛舌心，仲有雞腿肉&雞腎添！ 安格斯牛小牛排& 牛肉粒，牛味十足， 脂肪分佈好平均，正呀！ 薩摩赤雞腿， 外皮燒得香脆，肉質嫩滑而薩摩赤雞腎，口感特別爽口，帶點鹹香，好好呀！野菜盤款式都唔少㗎， 有南瓜、冬菇&甜薯，好豐富。