影片
更多
2025-08-02
27 浏览
19-7-2025(Sat)天氣好熱嘅晏晝，老公話去麥當勞飲滑嘟嘟奶昔，但去到麥當勞話賣晒，老公好想飲嘢，佢記得我重有張Starbucks嘅$25.00現金劵，就話嚟呢喥飲嘢，我哋嚟到時剩返最後一張兩人枱，坐低後老公去睇飲咩？但我睇到menu有兩種同價嘅朱古力鮮奶紅茶同朱古力紅茶忌廉，細，中，大嘅價錢依次序為$39.00，$43.00同$47.00，我就有興趣飲前者，老公就補$18.00要杯中嘅，買完好快就有。我就急不及待地飲，一飲就係唔太甜同杰嘅朱古力，每啖最後就飲到紅茶嘅味道，好似溝唔埋咁，成個係有創意但冇驚喜。服務：1. 我哋杯嘢做好咗，我聽到店員用英文講杯嘢嘅名，我又諗，係咪我哋嘅呢？望吓，又冇人行出嚟攞，咁係我哋嘅？老公拎張單出去問，店答係我哋嘅，老公至攞。其實等我哋杯嘢時，我係聽到店員講杯嘢嘅中文名，叫客人攞。2. 由於我哋坐正收銀對住嗰張枱，我飲𡁵時，聽到收銀問客人有冇YUU會員，我至記起問老公有冇儲分？佢答唔記得。我知道老公買嘅時候，收銀冇問佢呢條問題，而令我哋唔記得儲分。3.送唔送餐都係店員決定，我見到佢哋會送餐俾同樣出去俾錢，唔係用QR code落單嘅客人，乜唔係掃
朱古力鮮奶紅茶
$43
3 浏览
0 赞好
0 留言
朱古力鮮奶紅茶
$43
2 浏览
0 赞好
0 留言
服務：
1. 我哋杯嘢做好咗，我聽到店員用英文講杯嘢嘅名，我又諗，係咪我哋嘅呢？望吓，又冇人行出嚟攞，咁係我哋嘅？老公拎張單出去問，店答係我哋嘅，老公至攞。
其實等我哋杯嘢時，我係聽到店員講杯嘢嘅中文名，叫客人攞。
2. 由於我哋坐正收銀對住嗰張枱，我飲𡁵時，聽到收銀問客人有冇YUU會員，我至記起問老公有冇儲分？佢答唔記得。我知道老公買嘅時候，收銀冇問佢呢條問題，而令我哋唔記得儲分。
3.送唔送餐都係店員決定，我見到佢哋會送餐俾同樣出去俾錢，唔係用QR code落單嘅客人，乜唔係掃code落單至會送餐咩？
4. 有啲客人走時，店員都醒咗，即刻去收嘢，呢點係唔錯。
而有啲會自己拎個杯去出餐位，店員都有講唔該，但當我走，我都拎返個杯俾佢哋，佢哋冇講唔該。
其實係咩服務，一時鍾意咁，一時又唔鍾意咁。
環境：
個位開頭冷氣都叫做夠，但坐坐吓就唔夠同熱。
其他：
原來枱面有QR code俾客人掃嚟落單，然後會送餐，但我掃個Code，係開唔到。
上次食評係2025年6月11日提交嘅呢篇：https://www.openrice.com/zh/hongkong/review/b-%E8%97%95%E6%96%B7%E7%B5%B2%E9%80%A3-e6081278
张贴
