星巴克咖啡

营业中

休息中

7-6-2025（Sat）晏晝，同老公出去尖沙咀食晏前飲杯嘢，由於我又有兩張$25.00呢喥嘅現金劵，所以老公提議嚟呢喥買嘢飲，我哋嚟到見到呢張banner，就覺得可試，而呢個時間都有位，最入嗰張梳化位冇冷氣，同埋張枱冇人執，咁我哋就去返中間嘅枱坐。我哋決定要$49.00嘅奇異果熱情果凝珠星冰爽，我哋決定只用一張劵，差價就用八達通俾，俾完錢後等嗌，但我哋聽唔到嗌，我望一望，見到好似我哋杯嘢擺咗喺喥，老公就出去睇，果然係我哋嘅。由買飛到有係2分鐘，杯嘢甜嘅熱情果味出啲，老公話可以變兩杯，我答有檸檬已經好啲，而少量嘅咩奇異果熱情果凝珠，我覺得味道好熟識，但冇驚喜。其他：堂食嘅杯同以前嘅好唔同，係透明膠杯，但冇蓋同好重，攪到我以為係玻璃杯。其實我覺得既然堂食都係用膠杯，何不索性用返以前有蓋嘅膠杯，方便可能飲飲吓想拎走飲嘅客人。環境，服務，衛生，抵食都係2.5分上次食評係2024年8月13日提交嘅呢篇：https://www.openrice.com/zh/hongkong/review/blue-%E6%96%AC%E7%BA%9C-e5621153

前日(11-8-2024 Sun)晏晝，同老公寄賣完回程，天氣真係好熱，佢話要買嘢飲，去邊喥買？佢答喺呢喥用埋我嗰張$25.00嘅現金劵。啊，好啦。今次睇menu睇得詳細啲，最後交俾老公決定要咩嘢，會後佢揀咗$50.00，應該係燕麥奶抹茶，今次我拎住張單，努力聽店員用英文嗌嗰杯嘢，係咪同張單一樣，終於，都係唔一樣，但店員即刻講中文，咁就係我哋嗰杯。我哋拎走返屋企飲，打開睇，就係一杯正常綠色嘅抹茶，飲落，係飲到燕麥奶味，抹茶味唔算好濃，亦唔會太甜，ok嘅。不過要$50.00，我哋又唔係堂食，冇霸到佢一枱一椅，其實真係好貴。2.5分上次食評係2024年8月4日刊登嘅呢篇: https://www.openrice.com/zh/hongkong/review/blue-%E5%A5%BD%E6%99%AE%E9%80%9A-e5602109

噚日（3-8-2024 Sat）晏晝，同老公食完晏，送完膠又買埋菜返去，天氣真係好熱，行返去時都特登去茶星人（https://www.openrice.com/zh/hongkong/r-%E8%8C%B6%E6%98%9F%E4%BA%BA-%E8%8D%83%E7%81%A3-%E5%8F%B0%E7%81%A3%E8%8F%9C-%E5%8F%B0%E5%BC%8F%E9%A3%B2%E5%93%81-r732464）睇吓有咩買嚟飲， 由於睇唔啱於事都係走人，經過綠楊坊嘅時候，我就記起我有呢度2張共$50.00嘅現金券，於是走上嚟買。嚟到時睇，多數都係唔解喝嘅朱古力或咖啡飲品，稍為解渴嘅就有星冰爽，係士多啤梨味但就冇價錢， 於是我要走去counter問價錢，女店員話有檸檬汁同椰奶版本，價錢同大小都會唔同，本來對椰奶有興趣，但覺得解唔到喝，所以聽完之後，我就要$41.00嘅中草莓巴西莓檸檬星冰爽拎走。等咗一陣就整好，揭開睇，見到士多啤梨浮晒上嚟，飲落，就正正只有士多啤梨味加酸少少嘅檸檬味。成杯嘢味道好普通，亦唔係好解喝。服務：整好杯嘢係有叫客人攞，但又係講英文，其實可唔可以講返中文

21-5-2023 (Sun)朝,老公去完教會後就一齊去食嘢,又唔知去邊喥食,老公又話美心,唔啦,記起我參加公司遊戲嬴得一張$25.00嘅電子coupon,於是決定呢間用咗佢.我哋掃枱上嘅QR code,但連唔到,都係出去買啦.我要咗:1. $31.00嘅雞肉蘑菇批翻熱得好夠,酥皮脆,但味道有啲怪,唔通蘑菇蓉太多?味道:  2.8分2. $38.00嘅冰星樂芒果熱情果中size唔算太甜,兩者嘅味道都飲得出,但一般.味道:  2.8分老公就要咗:3. $55.00嘅雞扒喬麥冷麵配沙律喬麥冷麵口感正常,厚雞扒醃得幾好味,沙律正常冇問題,蛋係溏心蛋,只係麻醬唔係好夠.味道:  5分4. $45.00嘅BelChoCRM:t中sizeMenu搵唔到係乜,老公話係朱古力冰星樂,呢個有好多碎朱古力,味道唔太甜.幾好味.味道: 5分服務:好攪笑,我同收銀講要蘑菇雞肉批,佢好似唔知係咩嚟咁,問係咪雞肉蘑菇批?我答係.我心諗,將兩個食材調轉講就唔識?環境係4.5分上次食評係2016年12月26日刊登嘅呢篇:https://www.openrice.com/zh/hongkong/review/%E8%8

這店開了多年第一次裝修，感覺沒有以前陰暗感覺，但發覺裝了至少10部天眼，令人有監視感覺，感到不安。叫了焙茶Lattee 和 抹茶 Latte, 味道很濃厚，混合得很好。以前有報紙雜誌看，現在沒有了，缺些氣氛。平日客人不多，但店員隔很久才收拾枱面。

生日因為疫情沒有去餐廳吃大餐，唯有買些精緻的蛋糕回家慶祝，到了starbucks 看到幾款賣相不錯，挑了藍梅芝士蛋糕和士多啤梨蛋糕各一件。回家品嚐，藍梅芝士有很濃厚實在的感覺，而士多啤梨蛋糕則很有香味而富有彈性。

假日早晨，無事可做，到星巴克，飲杯english breakfast tea latte 加件餅，悠閒一下，因為係假日早晨，無咩人又靜，只有一對小情人在溫書。服務生的態度不錯。

今晚Starbucks 晚餐開吃！最愛抹茶忌廉星冰樂，抹茶味濃郁，忌廉香甜！今天晚餐開吃，品嚐了香蜜法蘭克福腸芝蛋酥皮三文治，加熱後香脆可口，芝士、蛋、香腸三者味道非常夾！當晚餐也夠飽！下次再來吃！

今日天氣勁熱同焗，出到街都想係商場留下坐下，今自己一個就去左Starbucks 飲野，見到出左一段時間的菠蘿椰子啫喱星雪冰 $42.就諗住試下，店員仲同我講話用果汁打成，岩晒我！大約等左5分鐘就有得飲啦。這杯打冰打得吾錯夠平均，飲落去菠蘿味都濃郁而吾會好假，幾清新，下面有椰子啫喱但冇咩味，得個滑身口感，以為佢細細杯其實都幾大杯下……飲完都飽飽地。這裡坐的位置都吾少，靜靜地坐下上下網都吾錯，都幾舒服，而且店員服務態度都吾錯。

在等待男朋友放工的空檔時間，便想到往巴巴克坐下來喝杯飲料，吃件蛋糕放空吧....怎料是次經歷則令我甚不愉快！！！！當日點選了一件blueberry cheesecake 及焙茶latte內用並外帶一件blueberry csone 作夜宵。但某位服務員的態度令我有點氣憤，不單黑面而且在我要求latte需轉為豆奶時更不加理會，我再多說一遍的時候他就不耐煩的回應而最終沖調出來的latte雖有用上豆奶，但卻十分淡口對我來說實在是個不快的經歷呀

尋日 (25-12-2016 Sun)聖誕節朝,同老公去食早餐,去邊o度食?麥當勞,食o黎食去都係o個啲,都係唔lu,於是行落綠楊睇吓有咩食,原本老公話Pacific Coffee,不過行o黎呢o度睇睇先,有位,而且平過Pacific Coffee,於是就決定呢間.我先買o野,買o左:3. $38.00大o既凍牛奶抹茶唔知係咪凍o既關係,覺得抹茶味淡,一般.味道: 2分1. $25.00o既芝心腸香草烤卷就算翻熱都翻到好熱,個卷脆口,香腸味道同一般o既唔同,好食.我o地係唔使蘸附上茄汁都好夠味.味道:  5分2. $18.00o既紅莓香橙士干餅呢個同樣翻到好熱,切開睇,質感同鬆餅差唔多,食落,味道甜甜地,都唔錯o既.味道: 5 分而老公就買o左:5. $35.00o既香橙朱古力蛋糕配香橙糖漿香橙糖漿一早以唧筒裝住同倒插o左蛋糕上,食前將佢唧落去即可,完我就切開一半同老公share,蛋糕濕潤而充滿香橙味,其實唔落香橙糖漿都好夠,朱古力味就薄弱o左啲.味道: 4分4. $34.00o既朱古力蛋糕呢個同樣濕潤,朱古力味道好濃, 朱古力漿亦多,但我食o左四份一件就頂唔住,唔再食,俾老公食埋佢.

自認心愛咖啡，所以好少飲連鎖咖啡店，更加少飲凍咖啡，這次破例是因為一張之前得到的$20 coupon！🙈點了Java chip frappuccino有我最愛既cream！如果當佢一杯咖啡，只能說可接受，但係當佢係一杯甜品飲品，就真係好正！朱古力既苦＋咖啡既苦味好相似，令你唔覺飲緊咖啡，甜味可能不足，但自己就好愛衣種苦中帶一點甜的感覺！食下cream，又可以用飲管搞下佢令杯咖啡滑d！杯星冰樂既冰真係大細均勻，大熱天時下既救星！這次點止破例，而係破戒！

每間分店既飲品味道都唔同我大多數飲焦糖咖啡星冰樂我本身好鐘意飲 好鐘意 好鐘意但上星期飲佢竟然有咖啡既濃味定好似杏仁味完全唔知自己似咩因為我拎走飲所以無退換咁今日再買多次黎飲竟然有紅豆味完全同比時既焦糖咖啡星冰樂完全唔同無咖啡味無焦糖味得紅豆味同甜味點解會有紅豆味？我都想知可能上一次沖完野飲無洗乾淨唔會再去綠楊starbucks了太難飲😡😡😡

真心嬲仲以為starbuck ge蛋糕應該會係有質素蛋糕價錢仲貴過italian tomato d cake但係呢個33蚊既芝士蛋糕完全冇芝士味正係得個甜字完全係一個伏我有小小覺得佢d蛋糕 同普通麵包店既蛋糕冇咩分別

呢間starbucks 好在係綠楊坊旅遊廊嘅位置，睇啲行程睇到好攰，好難得咁快可以係starbucks搵到位~ 先講下呢個芝腿脆多，其實質感真係頗硬身切開左之後，見到塊火腿都叫足料，無話呃你得半塊咁，連鎖店算係咁~ 只不過凍左仲硬，而且建議襯熱切，因為硬左同食好硬嘅餅乾無分別跟住就講下呢個磨菇批，其實睇個樣真係好難識別到佢係一個磨菇批不過切開左之後，就見到都幾多磨菇，不過無乜菇汁，個批變得更乾身，好似中東食嗰啲包咁~