一汁一菜 (創紀之城五期(apm)) (已結業)

APM新開左間日式咖哩飯專門店，只做外賣，門店裝修好靚，簡約而不失優雅。我點左雞肉咖哩飯+櫻花🌸蝦雞肉丸濃湯（$89）雞肉咖哩飯真係好香，放飯時間聞到咁香既咖哩飯真係口水直流，咖哩量好多，好送飯，雞肉都唔少，肉質嫩滑可口，小朋友都超愛食。櫻花🌸蝦雞肉丸濃湯表面見到有好多櫻花蝦，蝦味香濃，配料都好多，有雞肉丸同好多椰菜，混合一齊真係好正。番茄菠菜芝士雞肉卷（跟餐$20）有蕃茄汁、雞肉卷包著菠菜同芝士，口感好特別，肉質彈牙，一d都唔覺得自己食緊雞肉。🥰烏龍茶（跟餐$10）總結：外賣包裝好靚，完全唔覺自己拎既係食物🤣🤣，而且咖哩飯超好食，一定會推介朋友同事黎買。😆