影片
更多
2019-01-17
752 浏览
約了友人在旺角見面，本來打先去花園街逛逛，買點家品，然後再去吃下午茶。但原來這個丫頭竟然連早餐也還沒吃，所以就決定先找個地方吃點輕食。友人提議去「AP 鴨主題 Café」。吓？喺邊度嚟㗎？原來友人得知位於旺角 T.O.P 的「山下菓子」最近大變身，不但將餐廳化身成全球首間期間限定 AP 鴨主題 Café，而且更推出一系列以 AP 鴨作點綴的美食和甜品，所以想帶我來見識下。餐廳佈置以小型博物館為概念，店內有不少打卡位讓大家拍照，另外亦有一個小小的陳列櫃位，展出設計師的手稿及珍藏品，大家可以近距離參觀。至於近門口就設有售賣區，內有多款限定精品，例如毛料手挽袋、牛仔帆布袋、錢包連手挽繩等，相信 AP 鴨迷見到一定會超興奮。翻開餐牌，入面有勁多款 AP 鴨主題美食，而且好多款做型都非常盞鬼，令人心花怒放。心大心細，好不容易才落下決定，最後揀咗咖哩蛋飯同漢堡套餐各一客。先嚟嘅 Ahiru No Pekkle 北海道豚肉腸日式咖哩蛋飯 ($129) 以白飯砌成 AP 鴨模樣，賣相萌爆，可愛到令人差點不捨得吃下肚。咖喱汁味道唔錯，帶甜和果酸，有餘香，不膩也不辣，而蛋亦非常嫩滑，豚肉腸肉味濃郁，配米
原來友人得知位於旺角 T.O.P 的「山下菓子」最近大變身，不但將餐廳化身成全球首間期間限定 AP 鴨主題 Café，而且更推出一系列以 AP 鴨作點綴的美食和甜品，所以想帶我來見識下。
餐廳佈置以小型博物館為概念，店內有不少打卡位讓大家拍照，另外亦有一個小小的陳列櫃位，展出設計師的手稿及珍藏品，大家可以近距離參觀。至於近門口就設有售賣區，內有多款限定精品，例如毛料手挽袋、牛仔帆布袋、錢包連手挽繩等，相信 AP 鴨迷見到一定會超興奮。
翻開餐牌，入面有勁多款 AP 鴨主題美食，而且好多款做型都非常盞鬼，令人心花怒放。心大心細，好不容易才落下決定，最後揀咗咖哩蛋飯同漢堡套餐各一客。
先嚟嘅 Ahiru No Pekkle 北海道豚肉腸日式咖哩蛋飯 ($129) 以白飯砌成 AP 鴨模樣，賣相萌爆，可愛到令人差點不捨得吃下肚。咖喱汁味道唔錯，帶甜和果酸，有餘香，不膩也不辣，而蛋亦非常嫩滑，豚肉腸肉味濃郁，配米飯一起吃，超惹味。
至於另一客 Ahiru No Pekkle 特厚漢堡扒洋蔥圈漢堡包配薯條 ($189) 就以 AP 鴨木砧板呈上。漢堡包非常厚身，中間夾滿了芝士、蕃茄、漢堡扒同洋蔥圈，餡料一層疊一層，勁足料，未食已經令人流曬口水。洋蔥圈外層香脆，內裡洋蔥軟軟甜甜，而漢堡扒亦鬆軟多汁，配埋旁邊的薯條一齊食，滋味無窮。另外裝薯條的紅色桶，食完仲可以帶回家留念添！
本來很想吃甜品，只可惜這天身體有點抱羔，所以只點了杯熱山下水果茶 (跟餐) 作結。杯水果茶超足料，入面有勁多款水果，包括有士多啤梨、橙、麒麟果、檸檬、荔枝、青檸、藍莓、薄荷葉等，感覺就好似飲緊 detox 咁，味道非常清新。沒試友人點的凍山下水果茶 ($59)，但據說水準亦不俗，茶味香濃又唔會過甜，啱曬友人口味。
张贴
