Pho 778 (已結業)

最近隻手錶壞咗, 就今日同朋友呢就去咗灣仔188度揀返隻新嘅g shock,滿載而歸, 走時經過附近，食咗間新開既越南菜 餐廳見到入面都幾多人食喎，我相信應該唔會中伏，就一於去食啦因為都幾餓，我就嗌咗個安格斯湯濛粉先, 等左一奈就開餐!安格斯牛，浸一浸喺湯到，就夾上嚟食，嗰種牛味真係香氣四溢 ，牛肉非常之淋，非常之滑 湯底同濛粉非常之夾，好食!!份量唔算好多, 未夠喉, 就叫多個豬頸肉法包, 哇, 個法包好juicy, 包非常之脆口,裏面啲豬頸肉同埋生菜, 咬口又爽脆之脆, 豬頸肉又香又滑又爽, 好食好食!