Le Menu

营业中

休息中

生日來到六國酒店Staycation住番一晚，package 價千五元左右，2大1小，已經包括住房1晚，4小時任飲任食日式放題，還有第二朝早的All Day Breakfast 早餐，價格非常超值。今次就分享一下早餐的體驗啦！客人可以按個人喜好選擇蛋嘅煮法，無論煎蛋、炒蛋、太陽蛋都非常細滑美味。煙肉煎得非常之香口惹味，而大啡菇亦都非常之大隻，菇嘅味道非常出眾，仲好juicy呢！！司華力腸都煎得好香口，而且仲好大條，不過味道比較淡。不過呢度杯熱咖啡係可以無限任添飲的，熱咖啡的咖啡味道非常香濃，真的不錯。唯一不足的是麥包多士烘得有點兒燶，有點失望吖！！～整體來講，酒店餐廳的食物質素水準算是不錯，不過不失，而且環境氣氛都非常之好，地方夠寬敞，坐得非常舒適，而且服務員亦非常細心，值得推薦。