Espresso Alchemy (美麗華廣場1期) (已搬遷) 新店位置

今日放工嚟到尖沙咀，同朋友shopping後，佢帶咗我去一間開咗無幾耐嘅coffee shop。一直都唔知道原來美麗華地庫已經變左美食天堂，都幾多嘢食想試。黎到espresso alchemy, 覺得名字好熟悉。原來，尖沙咀重慶都有舖頭，好耐之前都飲過佢嘅咖啡，記得係唔錯！呢度有唔同嘅食物種類，但主要都係輕食，份量唔會太多，啱晒我呢啲想試多幾款嘢食嘅人。估唔到，我dinner時竟然都係叫咗All day breakfast😆 The alchemy all day 有炒蛋、炒薯仔、咖啡西多、煙肉、紅菜頭同乳酪，真係超豐富！其中，我好鍾意炒蛋，真係好嫩滑，食落好有蛋香。炒薯粒都唔錯，炒完出黎好香口。而咖啡西多就用左alchemy嘅咖啡豆，食落咖啡味香濃，絕對值得試下。發現左新產品！之前都未見過espresso alchemy有茶賣，今日竟然見到cold brew tea! 用咗中國茶去製造，入口有種香醇甘香嘅感覺，冷泡茶真係好refreshing啊！