影片
更多
2022-12-12
206 浏览
AK老闆同哥哥新開嘅甜品店由前四季酒店餅廚主理；刨冰、卷蛋(其實點解個卷蛋唔係叫 #信之卷 嘅？)同原個蛋糕都有江家嘅愛貓樣。另外，開業期間捐款比指定三間傷健社企同浪浪機構可以享有全單九折🧡當日星期五，我三點半嚟到，係唔使排隊嘅，所以我建議大家平日下午嚟🌙渡月 檸檬柚子抹茶慕絲杏仁蛋糕 $90好鍾意呢個甜品嘅presentation，用咗一個非卡通而且高雅嘅感覺去呈現貓貓。杏仁蛋糕配上檸檬、柚子、抹茶慕絲，仲有朱古力(貓耳朵)、鬆脆餅乾(京都渡月橋橋身)、碟上面點點透明嘅清酒醬，層次豐富！另不得不讚店員都好耐心介紹甜品🤗⛰嵐山 焙茶心太軟伴柚子味薄脆 $90影咗咁耐相，估唔到心太軟裏面嘅焙茶流心都係咁澎湃，焙茶味香濃，配埋貓掌形嘅雪糕同埋酸酸甜甜嘅柚子薄脆，成件事balance得好好👍🏻🥭芒果抹茶鮮奶 $70雖然定價好高，但呢杯AK推薦嘅芒果抹茶鮮奶非常好飲，有抹茶嘅香濃，亦都有粒粒芒果嘅香甜，估唔到抹茶同芒果係咁夾😋🍡糰子冷泡龍珠茉莉奶蓋 $75我同AK一樣都係有果句講果句嘅天秤座，所以我就唔建議大家試呢杯。糰子好稔，冇咗嗰種煙煙韌韌嘅口感。奶蓋唔挺身，有啲似蛋白。Overall飲唔
AK老闆同哥哥新開嘅甜品店由前四季酒店餅廚主理；刨冰、卷蛋(其實點解個卷蛋唔係叫 #信之卷 嘅？)同原個蛋糕都有江家嘅愛貓樣。另外，開業期間捐款比指定三間傷健社企同浪浪機構可以享有全單九折🧡
當日星期五，我三點半嚟到，係唔使排隊嘅，所以我建議大家平日下午嚟
🌙渡月 檸檬柚子抹茶慕絲杏仁蛋糕 $90
好鍾意呢個甜品嘅presentation，用咗一個非卡通而且高雅嘅感覺去呈現貓貓。杏仁蛋糕配上檸檬、柚子、抹茶慕絲，仲有朱古力(貓耳朵)、鬆脆餅乾(京都渡月橋橋身)、碟上面點點透明嘅清酒醬，層次豐富！另不得不讚店員都好耐心介紹甜品🤗
⛰嵐山 焙茶心太軟伴柚子味薄脆 $90
影咗咁耐相，估唔到心太軟裏面嘅焙茶流心都係咁澎湃，焙茶味香濃，配埋貓掌形嘅雪糕同埋酸酸甜甜嘅柚子薄脆，成件事balance得好好👍🏻
🥭芒果抹茶鮮奶 $70
雖然定價好高，但呢杯AK推薦嘅芒果抹茶鮮奶非常好飲，有抹茶嘅香濃，亦都有粒粒芒果嘅香甜，估唔到抹茶同芒果係咁夾😋
🍡糰子冷泡龍珠茉莉奶蓋 $75
我同AK一樣都係有果句講果句嘅天秤座，所以我就唔建議大家試呢杯。糰子好稔，冇咗嗰種煙煙韌韌嘅口感。奶蓋唔挺身，有啲似蛋白。Overall飲唔到茶香同甜味🤭
张贴
