My Ahjussi (已結業)

之前喺大角咀覓食多次都有留意到呢間以花花🌸裝飾走少女風嘅韓國菜餐廳。今次終於有機會試啦😍。🌟韓式牛肉飯卷飯卷連頭尾總共有8件，餡料包括蘿蔔💛、青瓜🥒、牛肉🐮、紅蘿蔔🥕，整體上幾清爽同偏清淡一點，所以可以點少少🤏加咗鹽嘅麻油，真係少少好啦！另外餐廳仲提供素食者版本嘅飯卷👍🏻。🌟軟殼蟹忌廉汁意粉要讚一讚意粉份量，2個人Share冇問題！意粉質感比Al Dente軟少少，比正常意粉幼身但又唔係天使麵～忌廉醬汁極度掛身+ Creamy，加上少量芝士粉🧀+ 香草🌿，超邪惡😈超好味😍。至少軟殼蟹就正常表現😉。🌟蒜香蜂蜜炸雞今次叫咗半份炸雞🍗，總共有6件，分別係兩件雞翼連雞翼尖、兩件雞扒同兩隻雞鎚。醬汁比較重蜜糖味，蒜蓉味就可惜唔夠重手(可能👧🏻太重口味🤣)。雞肉嫩滑多汁，新鮮炸起冇得輸呀👍🏻。🌟蜜桃梳打正正常常～配餐只係加$20。最衰夜晚飲完咖啡會訓唔著，否則都會試下焦糖爆谷拿鐵☕️/甜麥仁拿鐵😫。