影片
更多
2023-08-27
1350 浏览
朋友生日當然要搵間餐廳慶祝，見到呢間泰菜又有流水又有泰國風味裝修，於是同朋友係到歡聚一晚。2人套餐（$388）泰式鮮蝦青木瓜沙津（⭐⭐⭐⭐⭐）食泰國菜當然要叫返d開胃小菜。餐廳既青木瓜沙津重點絕對係4隻超級新鮮既蝦。以為只係伴菜，但每隻蝦都十分爽口鮮甜，食得出好新鮮，唔會又霉又淋。另外沙律調味十分到位，味道酸得來又有清新甜味，配搭埋滿滿水份既青木瓜同蔬菜，好開胃！椰皇椰青雞湯（⭐⭐⭐⭐⭐）唔少泰菜餐廳套餐既湯都會係一碗碗上，但餐廳既雞湯係用一個鍋上，上枱時不禁哇一聲，以筆者同朋友2人份，每人起碼飲左2-3碗。質量方面亦十分出色，湯內有好多湯料，雞件、椰子肉同香菇，令每啖都十分鮮甜。小食拼盤（沙嗲豬肉串/沙嗲雞肉串招牌手打蝦餅/泰式素春卷）+ 汁燒菇串（白菌菇/香菇）（+$22）（⭐⭐⭐⭐⭐）泰國菜必不能少既拼盤，筆者同友人都食得十分暢快。沙嗲串方面，豬肉肉雞肉都燒得恰度好處，唔會燒到無既肉汁或者乾炆炆，沙嗲汁亦都好惹味。蝦餅炸得十分香脆，內裡則好彈牙，蝦味香濃。素春卷餡料亦十足，唔會因為係素食就無味。另外筆者都加左汁燒菇串，平衡一下油膩感，果然菇菌經過燒烤，令菇味更加香濃，而且咬落仍有
2人套餐（$388）泰式鮮蝦青木瓜沙津（⭐⭐⭐⭐⭐）
食泰國菜當然要叫返d開胃小菜。餐廳既青木瓜沙津重點絕對係4隻超級新鮮既蝦。以為只係伴菜，但每隻蝦都十分爽口鮮甜，食得出好新鮮，唔會又霉又淋。另外沙律調味十分到位，味道酸得來又有清新甜味，配搭埋滿滿水份既青木瓜同蔬菜，好開胃！
椰皇椰青雞湯（⭐⭐⭐⭐⭐）唔少泰菜餐廳套餐既湯都會係一碗碗上，但餐廳既雞湯係用一個鍋上，上枱時不禁哇一聲，以筆者同朋友2人份，每人起碼飲左2-3碗。質量方面亦十分出色，湯內有好多湯料，雞件、椰子肉同香菇，令每啖都十分鮮甜。
小食拼盤（沙嗲豬肉串/沙嗲雞肉串招牌手打蝦餅/泰式素春卷）+ 汁燒菇串（白菌菇/香菇）（+$22）（⭐⭐⭐⭐⭐）泰國菜必不能少既拼盤，筆者同友人都食得十分暢快。沙嗲串方面，豬肉肉雞肉都燒得恰度好處，唔會燒到無既肉汁或者乾炆炆，沙嗲汁亦都好惹味。蝦餅炸得十分香脆，內裡則好彈牙，蝦味香濃。素春卷餡料亦十足，唔會因為係素食就無味。另外筆者都加左汁燒菇串，平衡一下油膩感，果然菇菌經過燒烤，令菇味更加香濃，而且咬落仍有菇菌既水份，十分回味。
招牌海鮮菠蘿炒飯（⭐⭐⭐⭐⭐）餐廳既菠蘿炒飯配搭左好多新鮮既海鮮，例如魷魚、鮮蝦、青口等等，絕對唔係得得名，而每啖都總會有海鮮既配料。另外炒飯唔會炒得太乾，筆者好喜歡餐廳炒飯個種微濕食飯粒軟糯既感覺，加上粒糕新鮮菠蘿，正。
蒜蓉炒椰菜苗（⭐⭐⭐⭐⭐）餐廳既椰菜苗炒得十分出色，唔會炒得未夠而令菜莖仍然硬綁綁，亦唔會炒得過老而令菜苗變得太淋，反而每棵都爽口惹味。加上大廚用蒜蓉，配搭泰國調味，令到筆者同朋有都食唔停。
泰式雜錦海鮮炒金邊粉（+$80）（⭐⭐⭐⭐⭐）食泰國菜都會忍唔住食返個炒金邊粉，餐廳既金邊粉比其他泰菜舖更有彈牙感，每條都十分煙靱有嚼口。不得不提係配料用上超級大隻既蝦仁，而且配料都係滿滿的，令筆者十分欣賞餐廳絕不吝嗇的煮菜態度。
是日甜品椰汁西米糕（⭐⭐⭐⭐⭐）泰國既椰汁西米糕亦係siganature之一，唔好以為套餐甜品就求求其其，餐廳既西米糕椰味十分香濃，口感軟滑，西米則煮得粒粒通透軟熟，配搭微鹹椰漿，層次滿分。
巨峰提子益力多沙冰（+25）（⭐⭐⭐⭐💢）炎炎夏日緊係要叫返杯沙冰消暑。沙冰未飲已經聞到酸酸甜甜既巨峰提子加益力多味道，飲落味道亦十分足夠，唔會話係沙冰就令到飲品既味道淡口。
泰式芝士奶蓋奶綠（+25）（⭐⭐⭐⭐💢）估唔到泰菜餐廳都會有奶蓋飲，而且質素亦十分好。比起其他奶蓋，因為以泰式奶茶為基底，所以味道偏甜，但正正可以中和泰菜既香辣，奶蓋亦有香濃芝士味，有驚喜。
~~~~~~~~~~~~~~~~~~~~~~~~~~Add Some Thai Restaurant 觀塘開源道62號駱駝漆大廈第1座9樓D室
👍地點方便
👍超高性價
👍泰國風味
张贴
