泰式鮮蝦青木瓜沙律（⭐️⭐️⭐️⭐️⭐️）
二人餐非常豐富，頭盤先黎一個酸酸辣辣嘅沙律，十分開胃，喺依個炎熱嘅夏天，最啱就係食多點新鮮清涼嘅蔬菜，青木瓜好少食得到，非常之爽口多汁，配搭新鮮海蝦，肉質彈牙好香蝦味，原隻上但蝦身嘅殼幫你剝晒，好貼心嘅服務！為香港的生活Add some Thai!
蔬菜長春卷（⭐️⭐️⭐️⭐️⭐️）
泰菜另一必食之選就係春卷，由於春卷太長，餐廳一早切開成6小條方便我地食用，春卷個皮好薄，食落乾身脆口，而餡料方面，蔬菜份量俾足，爽脆得來中和返春卷皮嘅油膩感，雖然冇預先俾沙律醬，問返店員攞就ok！
椰皇椰青雞湯（⭐️⭐️⭐️⭐️⭐️）
食咗炸物，飲返啖湯解解膩，湯水清澈好香椰子味，用上足料食材，自然煲得出鮮味清甜嘅湯，我地兩個都讚不絕口，飲完一碗又一碗，聽唔到口。好欣賞Add some Thai點蠟燭保溫，隨時都有熱湯飲。
小食拼盤（⭐️⭐️⭐️⭐️⭐️）
食泰菜點少得炸物同串燒，依個拼盤有齊各種特色炸物，包括：炸蝦片、燒豬頸肉、炸蝦餅、燒雞肉同豬肉，每一樣都用心烹調，上菜時仲係熱辣辣的，特別欣賞串燒燒得入味，肉質軟糯冇筋，點埋沙律醬同花生醬更能夠突出食物的味道。
泰式炭燒豬頸肉炒金邊粉 （⭐️⭐️⭐️⭐️⭐️）
金邊粉亦係我地重中之重的一道菜式，好鍾意金邊粉嘅順滑，一條條分明軟身、加埋花生碎的酥脆、豆芽的爽脆、嫩滑嘅雞蛋，以及酸甜醬成為整個菜式嘅精髓。豬頸肉份量好多好抵食，只係我地鍾意食乾身稍微燶一點嘅口感。
芥蘭浸泰皇椰青湯 （⭐️⭐️⭐️⭐️⭐️）
好少食到用椰青浸嘅時蔬，所以都一定要試試。不出所料，芥蘭浸過後特別清甜，加埋椰子肉好解暑，芥蘭唔會煮到淋晒，浸過湯後依然好新鮮翠綠。
蒜蓉炒椰菜苗 （⭐️⭐️⭐️⭐️⭐️）
同樣地，椰菜一樣新鮮爽口，葉子翠綠吸引，食落幼嫩冇渣，特別欣賞係蒜蓉份量好多，離遠都聞到香氣，蒜片脆口啱晒搭配蔬菜。
招牌椰汁千層糕 （⭐️⭐️⭐️⭐️⭐️）
椰汁糕落咗斑蘭，清淡中帶有椰子的香甜，斑蘭汁都好清香，加上糕點嘅軟糯感，清涼嘅口感非常適合炎夏享用。
~~~~~~~
Add some Thai Restaurant 觀塘開源道62號駱駝漆大廈第一座9樓D室
👍出色味道
👍地點方便
👍環境舒適
