黑樺牛 (已結業)

地理位置非常近地鐵站，容易揾！餐廳座位闊落，卡位坐得舒服！120分鐘嘅和牛火鍋放題 ($438)，可以任食8款唔同部位嘅A5和牛，當然仲有特色手工鍋物、日本佐賀名水豚、小食同蔬菜！以下係特別推介:👉🏻北海道豆乳玫瑰芝士鍋7款鍋底揀，呢款係以鏗魚湯熬嘅湯底，芝士以巨型玫瑰花型呈現，絕對係打卡之選，而且係每日限量供應！味道好滑好香濃，就算之後加左湯，都無影響濃郁嘅芝士味道！👉🏻冬瓜豆腐海鮮燉湯呢個燉湯實在太驚喜！店員話每日只有大約20盅，用時令嘅冬瓜，配足料海鮮，有大蝦同蜆肉，超級鮮甜！👉🏻黑樺牧場精選層架呢個係入座禮物，靚靚嘅雀籠三層架，分別放有和牛(肩胛梅花同和尚頭)、名水豚肉同蝦滑墨魚滑！呢兩款和牛入口較香，肉質軟淋！之後可以繼續用QR code落單！👉🏻鬼馬油炸鬼油炸鬼包住蝦滑，酥脆外層，咬入口肉質爽彈，口感非常豐富，點埋沙律醬一流！👉🏻麻辣拼盤有魚皮、牛展、牛栢葉同皮蛋，微辣，非常惹味！👉🏻A5熊本黑樺和牛玉子後腰肉色澤鮮艷，油花均勻，加埋蛋汁，好鮮好滑！👉🏻海鮮拼盤有大蝦同日本直送牡蠣，店員會用計時器計10分鐘，確保食材唔會過老，而且加左清酒烹調，真係鮮味十足，生蠔又大又cre