八幡屋涮涮鍋 (已結業)

女朋友生日!問佢想去邊間餐廳想食D咩, 佢反問我介唔介意打邊爐!女友生日大哂, 我當然話無所謂!而且依家香港地, 夏天食火鍋, 冬天食雪糕, 一D都唔出奇.上網見到八幡屋涮涮鍋, 有幾個優點吸引我.第一, 係花墟買完扎花, 唔洗行太多路就到餐廳, 需知我外表極凶, 手執鮮花同我外表極唔匹配.另外餐廳有刺身提供, 唔知點解, D餐廳總係有赤貝就無帶子刺身, 好少兩者共存, 八幡屋就有齊赤貝同帶子!再者, 上網睇睇, 環境闊落, 適合約會.餐廳分90分鐘及150分鐘收費, 自已知自己唔係大胃王, 90分鐘足夠.另外餐廳以牛肉級別而收費, 女朋友生日當然食好D, 選擇澳洲M5和牛套餐.雖然女友生日, 但都好主動同好開心點火鍋配料同刺身，又幫我淥火鍋配料.....唉..... 口就話唔中意花唔中意收花, 當佢見到札花就開心過中六合彩! 我地選擇一人一鍋, 分別係豬骨湯底同沙爹湯底.沙爹湯底香味特別強, 由頭到尾沙爹味不停散發出, 但飲一啖沙爹湯又唔會話太濃.刺身方面, 不單只赤貝同帶子新鮮同鮮甜, 三文魚刺身亦同樣新鮮甜.A5和牛真係無得輸, 我只係淥咗3~4吓沙爹湯底,入口即溶,調味料都無落