鉄板郎 (已結業)

自己平日好鍾意食黑椒牛肉飯，唔知食咩個陣就一定會簡佢! 前幾日行開深水埗，見到呢間新開食鐵板牛嘅餐廳，餐牌食物幾多選擇，門面裝修又OK，所以就入去試下喇本身想就咁食黑椒牛肉飯，但見到有個黑椒日本岩手A5和牛飯都只係$98，所以就叫左佢黎試，呢個價錢對比出面真係平，所以都無咩期待，但估唔到一黎到仲係咋咋聲個陣，已經聞到陣和牛既油香味，肉味香濃之餘口感都幾好，超級有驚喜！撈埋D黑椒汁夠晒入味，平時食唔晒成個飯既我今次竟然食晒D飯，最後捧住個肚走！今次我就獨食，但已經決定等老公放假帶佢黎試埋其他款式！