影片
更多
2023-02-08
75 浏览
同事介紹呢間位於上環文娛中心附近嘅fine dining餐廳，主打A5和牛西日料理，同朋友book咗枱去試試～餐牌分set同a la carte，一場嚟到直接叫set試試佢嘅招牌菜式。先上桌嘅係自家漬前菜，青瓜微辣爽脆，雖然係前菜，但作為每道菜中間kill time嘅小食都好唔錯～下一道菜係caviar wagyu tataki，廚師用上法國Kaviari Kristal魚子醬，味道清新，半熟A5和牛薄片係肉眼嘅位置，以大根沙律代替壽司飯，以壽司嘅賣相呈現嶄新嘅味覺體驗～跟住係塩漬蝦夷鮑魚配高湯凍，高湯凍入口之後慢慢融化，配合爽口鮑魚清淡好食，正好平衡返上一道菜～之後呢道菜西日fusion嘅成分更高，唔係常見嘅日式泡芙而係Yorkshire Pudding，內餡係香濃幼滑嘅明太子mousse，加埋新鮮三文魚子，用手食更加滿足～食主菜之前嚟個湯品，面頭鋪滿本枯節，係魚味非常濃郁嘅木魚絲，粟米忌廉湯濃到好似吉士醬，非常好飲～重頭戲就係燒A5日本和牛喇，每人有5塊份量唔少，和牛後腰肉嘅位置軟腍度適中，外皮香脆，油脂豐富但冇一絲嘅膩感，點埋自家生曬牡蠣醬，蠔嘅鮮味加埋和牛嘅肉香真係perfec
餐牌分set同a la carte，一場嚟到直接叫set試試佢嘅招牌菜式。
先上桌嘅係自家漬前菜，青瓜微辣爽脆，雖然係前菜，但作為每道菜中間kill time嘅小食都好唔錯～
下一道菜係caviar wagyu tataki，廚師用上法國Kaviari Kristal魚子醬，味道清新，半熟A5和牛薄片係肉眼嘅位置，以大根沙律代替壽司飯，以壽司嘅賣相呈現嶄新嘅味覺體驗～
跟住係塩漬蝦夷鮑魚配高湯凍，高湯凍入口之後慢慢融化，配合爽口鮑魚清淡好食，正好平衡返上一道菜～
之後呢道菜西日fusion嘅成分更高，唔係常見嘅日式泡芙而係Yorkshire Pudding，內餡係香濃幼滑嘅明太子mousse，加埋新鮮三文魚子，用手食更加滿足～
食主菜之前嚟個湯品，面頭鋪滿本枯節，係魚味非常濃郁嘅木魚絲，粟米忌廉湯濃到好似吉士醬，非常好飲～
重頭戲就係燒A5日本和牛喇，每人有5塊份量唔少，和牛後腰肉嘅位置軟腍度適中，外皮香脆，油脂豐富但冇一絲嘅膩感，點埋自家生曬牡蠣醬，蠔嘅鮮味加埋和牛嘅肉香真係perfect match~
尾聲係銀鱈魚釜飯同水牛芝士紅豆燒餅，釜飯有香脆飯焦，高湯醬油調味適中，燒餅夾住北海道紅豆，餅皮鬆軟～
张贴
