黑樺牛 (已結業)

我同朋友都係牛魔王，呢間食和牛火鍋放題嘅就啱晒我哋，午市$398一位就食到熊本A5和牛放題。湯底我哋揀咗花雕日本薩摩雞藥膳鍋，香濃嘅藥膳味，加上花雕雞，感覺好滋補。冇幾耐店員就拎嚟前菜，有麻辣拼盤同埋鬼馬油炸鬼。麻辣拼盤個汁調得好好，其中我最鍾意魚皮超爽脆、牛柏葉都好入味。跟著店員就會幫我哋蒸海鮮，夠鐘仲會幫我哋開埋蠔殼同埋扇貝殼。蠔超級肥美，脹卜卜，鮮味。扇貝大大隻，蝦爽囗👍🏻仲有一個肉類靚層架，打卡一流，上層有兩款和牛，中層有一款五花腩，下層就係黑松露墨魚滑同埋蟹籽蝦滑。其中和牛肉質軟稔👍🏻黑松露墨魚滑爽口彈牙，而且有粒粒墨魚好有口感😋肉類同埋火鍋配料都有QR code可以自己隨意點。我哋梗係轉工日本A5和牛啦😆，A5 熊本黑樺和牛牛頸脊、A5熊本黑樺和牛玉子後腰肉、A5熊本黑樺和牛肩胛梅花、A5熊本黑樺和牛特上霜降小排，其中牛肩胛梅花最稔，小排最肥美，我就最鍾意食後腰肉，貪佢肉質軟得來最有肉味😍每款牛肉都有指示淥幾耐，4至6秒就食得㗎喇😋火鍋配料方面我哋因為專攻和牛，只係簡單叫咗啲蔬菜、海蝦、紫菜響鈴😝呢度飲品係可以出去雪櫃自己拎㗎，甜品有雪條，都係喺雪櫃自己拎。其中榴槤雪條幾正