牛匠石燒 (已結業)

牛匠極上盛合($468)，共10款肉，每款肉各2片，A4牛肩肉係最肥美，色澤鮮嫩粉紅，油脂味濃郁入口即刻溶化，可以用埋生菜包住肉黎食，令口感爽口一點，其他部位雖然油脂無咁多，但仍然好重牛味，牛舌是簿切雖然口感欠奉，但容易d燒熟好出到牛既香味。仲有黑豚和無激素雞頸肉，雖然牛係主角，但兩者肉質都好肥美，嫩滑彈牙。味素飯 / 醬油湯烏冬，個人較鐘意味素飯，因為有好多拌飯既配料，口感層次更豐富，加埋溫泉蛋，烏冬就好軟滑。牛匠彩虹水果茶($68)，超大杯，入面滿滿既水果片，飲完仲可以食埋水果，清一清口腔內油膩感。芝士奶蓋四季春($38)，同樣夠大杯，奶蓋味唔算太鹹，仲帶輕輕甜味，好岩我口味。