夢 (已結業)

不得不出一個食評去分享呢頓晚餐。之前睇相既時候淨係覺得「好靚」，因為不論啲料理還是所用既器皿都非常精緻，好吸引好想去打下卡。但係當呢埋料理出現喺我面前時，除左靚到想打個卡，仲好吸引我去細心品嘗每道菜式。一如一般既omakase ，工作人員喺上菜時會逐一介紹每種料理係乜東東，仲會閒話家常一番，好有親切感。佢地首先會了解左客人有乜野係唔食，盡量為客人量身定制一份餐單。每上一道菜，我個心就比份料理吸引左，連平時唔食或者未試過既食物都一反常態地嘗試，就係咁，成就左我人生第一次食海膽😂估唔到係咁好食！佢個三色米紙帶子蓉、粟米豆乳蒸蛋仲有個黑松露意大利飯係我今日食到最好食既料理。