影片
更多
2012-03-08
8 浏览
奶油包同妲妃係上星期五同A小姐預祝生日(真係預祝生日...預早一日慶祝生日)A小姐同妲妃都鍾意食海鮮本身奶油包計劃去食海鮮既但因為A小姐同妲妃都關心奶油包身體狀況所以最後決定去食尖沙咀既定食Doraya今次去既定食Doraya係新鋪鋪面講真句真係好細間好似得個3X個位不過因為新裝修地方好新同埋好乾淨而且仲有落地玻璃坐近窗既有街景望講返D野食先啦一睇到個Menu如果有選擇困難症既人都係一件幾頭痛既事因為有好多選擇而且仲有相睇睇住相覺得呢個又好好食個個又好好食真係唔知點好咁不過奶油包係去之前已經一早做定Research決定好一定要食海膽所以都只係係幾個有海膽既壽司飯度選一講左咁多野都不如睇相實際我地睇下食物相先下面既就係我地三人所選既野食分別有『三文魚子配三文魚剌身壽司飯定食』呢個係妲妃既至愛因為有三文魚子根據妲妃既真實食評D三文魚真係薄到喊不過係好新鮮既而三文魚子呢好似有少少硬未能夠做到『Pok Pok』聲既效果之後就係我本人既『海膽、三文魚子、三文魚三色剌身飯定食』一個好X長既名三文魚又係薄到喊但係奶油包就覺得海膽好新鮮仲有就係平時食既海膽多數都係一折手指尾都冇但呢度既海膽一塊有一折手
(真係預祝生日...預早一日慶祝生日)
A小姐同妲妃都鍾意食海鮮
本身奶油包計劃去食海鮮既
但因為A小姐同妲妃都關心奶油包身體狀況
所以最後決定去食尖沙咀既定食Doraya
今次去既定食Doraya係新鋪
鋪面講真句真係好細間
好似得個3X個位
不過因為新裝修
地方好新同埋好乾淨
而且仲有落地玻璃
坐近窗既有街景望
講返D野食先啦
一睇到個Menu
如果有選擇困難症既人
都係一件幾頭痛既事
因為有好多選擇
而且仲有相睇
睇住相覺得呢個又好好食
個個又好好食
真係唔知點好咁
不過奶油包係去之前已經一早做定Research
決定好一定要食海膽
所以都只係係幾個有海膽既壽司飯度選一
講左咁多野
都不如睇相實際
我地睇下食物相先
下面既就係我地三人所選既野食
分別有『三文魚子配三文魚剌身壽司飯定食』
呢個係妲妃既至愛
因為有三文魚子
根據妲妃既真實食評
D三文魚真係薄到喊
不過係好新鮮既
而三文魚子呢
好似有少少硬
未能夠做到『Pok Pok』聲既效果
之後就係我本人既『海膽、三文魚子、三文魚三色剌身飯定食』
一個好X長既名
三文魚又係薄到喊
但係奶油包就覺得海膽好新鮮
仲有就係平時食既海膽多數都係一折手指尾都冇
但呢度既海膽
一塊有一折手指功咁大
感覺每啖好似食緊幾十蚊落肚咁...爽爆
仲有入口甘甜鮮美
味道十分濃郁
睇完我既定食
而家就睇下呢晚主角 A小姐 個定食啦
個名好似係『鐵板藍鰭香燒吞拿魚定食』
原本聽到係藍鰭吞拿魚
大家都諗住好好食
點知...出事喇
A小姐：嘩...好腥
妲妃：嘩...好似好多鹽...我食到有鹽係D吞拿魚上面
奶油包：嘩...好咸
其實講真唔係唔好食
只係廚師好似D鹽同豉油唔使錢咁
係咁落...係咁落...
咸到阿媽都唔認得
其實除左呢幾個定食
我地仲叫左一d小食
好似燒雞翼...
呢個必食
真係又香又好味
清酒煮蜆...
A小姐話好似BB蜆
好細隻
仲有...好多沙
A小姐夾親俾我既都有沙
呢個係事實...
蜆入面的確有好多沙
可能係來貨問題
未必關餐廳事
=_=|||
蝦天婦羅...
呢個冇咩特別
不過都幾好味
整體嚟講...
都值得一試
张贴
