泰燒遙 (已結業)

之前經過見佢地嚟緊Sell $99 海鮮，最鐘意食海鮮既我已經即刻bookmark左，今個星期等呢個Promotion一出就即刻黎。平時去九龍城食泰國野，點個咖喱蟹都要$200-300, 而家$99就有一隻蟹，超抵！呢隻大肉蟹我地都可以揀唔同煮法，好似係古法泰式、咖喱、鹽焗、粉絲生焗及辣椒膏炒，不過我地鍾情於咖喱炒蟹，二話不說就決定左煮法。呢隻咖喱蟹冇因為而家Promotion而變得細份左，咖喱惹味，隻蟹又夠大隻，非常吸引！一拆殻後，嘩～～～頂晒肉咁，超滋味呀！沾D咖喱上D蟹肉度，超Yummy！ 食完蟹之後仲有好多咖喱剩，順便再點左個蒜茸包，沾D咖喱食～ 2個人食完隻蟹後都已經半飽狀態，再點左個半隻海南雞加白飯食。海南雞半隻其實都夠晒我地食，D雞又嫩滑，配白飯一流！ 落單個陣，店員比我地「擇」骰仔，如果「擇」到孖骰同圍骰就會有額外野送添！去泰燒遙記得叫埋你個運氣好既朋友一齊去，我地就冇咁幸運，連$100 coupon都拎唔到呀！