影片
更多
2017-02-13
1986 浏览
自從搬離舊居後，已經有十年多未到油塘一帶，今次重遊，有點兒陌生，樓多了，商場大了，人流亦相對頻繁了。大本型雖然開幕了多年，倒還是頭一趟到訪，觀感不錯，剛巧碰上新春醒獅活動，由阿Bob主持，佢把聲真係好喜慶此行主要目的，係試下傳說中嘅$99 tea set，星期一至日都係99！因應價錢、地點，唔會抱有太大期望，一分錢一分貨，大家都明。週日下午兩點，客人不少，不過座位都多~Tea Set $99/2人，包兩杯美式咖啡 / 熱茶 (加錢可升級其他飲品)因為不設加一，點單後職員送上食物，餐具自取~Tea Set 一共有3層，下層係鹹點，頭兩層係甜點及雪糕。鹹點有碎蛋沙律牛角包，吞拿魚三文治及迷你蟹柳沙律漢堡，三款都係用普通非常嘅材料配以簡單做法，屋企都整到嘅味道。美食稱唔上，但一定唔難食！起碼牛角包叮過，暖暖地，碎蛋沙律餡味道不俗；鹹點合格，食幾款鹹點可以頂頂肚啊。頂層係檸檬忌廉芝士蛋糕，食得出忌廉芝士加上淡酸嘅檸檬味，質地軟身，都幾滑，食落醒神，有少驚喜鮮果吉士撻，兩片士多啤梨唔酸唔甜，但撻皮偏硬身，唔太好食。中層係雜莓雪糕，偏硬身，加上有點過酸，我個人就唔太喜歡。朱古力慕絲蛋糕，朱古力味夠
此行主要目的，係試下傳說中嘅$99 tea set，星期一至日都係99！因應價錢、地點，唔會抱有太大期望，一分錢一分貨，大家都明。
週日下午兩點，客人不少，不過座位都多~
Tea Set $99/2人，包兩杯美式咖啡 / 熱茶 (加錢可升級其他飲品)因為不設加一，點單後職員送上食物，餐具自取~
Tea Set 一共有3層，下層係鹹點，頭兩層係甜點及雪糕。
鹹點有碎蛋沙律牛角包，吞拿魚三文治及迷你蟹柳沙律漢堡，三款都係用普通非常嘅材料配以簡單做法，屋企都整到嘅味道。
美食稱唔上，但一定唔難食！起碼牛角包叮過，暖暖地，碎蛋沙律餡味道不俗；鹹點合格，食幾款鹹點可以頂頂肚啊。
頂層係檸檬忌廉芝士蛋糕，食得出忌廉芝士加上淡酸嘅檸檬味，質地軟身，都幾滑，食落醒神，有少驚喜鮮果吉士撻，兩片士多啤梨唔酸唔甜，但撻皮偏硬身，唔太好食。
中層係雜莓雪糕，偏硬身，加上有點過酸，我個人就唔太喜歡。朱古力慕絲蛋糕，朱古力味夠濃，不過稍甜，而且慕絲亦太實，不夠軟滑。
但睇番原來佢地嘅個裝蛋糕都係138蚊磅，定價合理！
飲品方面 (升級)熱美式榛子latte
有榛子香但唔濃厚，奶泡唔夠滑，同一般連鎖咖啡店差不多，不過不失。
凍朱古力咖啡外嘅選擇係熱茶、檸茶檸水、牛奶
凍朱都係普普通通啦~
總括黎講，我覺得質素對得住價錢！食前提醒自己只係俾左一舊水，食下甜食下鹹，仲連埋飲品，去邊到搵？
尤其隔離枱點左三個漢堡，賣相唔錯，我差啲想再點…見有啲一家大細帶埋小朋友食，平平地，影下相，都唔太差。
坐左個幾鐘，又唔趕人，有啲由我入座前食緊到我走都仲未離開~而且職員好有禮貌~
张贴
