最近推出咗個優惠優惠好抵食😻 $98就食到一隻片皮鴨🦢! 啱曬帶屋企人去食! 呢個限時優惠仲有5款可以揀:
🔸清蒸虎斑 (約1斤) $68
🔸紅燒脆皮乳鴿 (隻) $22.8
🔸 生劏大龍躉［翡翠油泡龍躉球 + 蒜子雲耳蒸龍躉頭腩］ $198
🔸至尊燒鵝王 $138 (半隻)
🔸濃湯花膠雞煲 $48
價錢有少少震撼，所以每枱限選一款🙈酒樓裝修光猛新淨， 食完飯仲有問要唔要糖水，服務同食物質素都幾滿意🔅
🌀京式片皮鴨 (隻)
竟然唔係切片上! 店員會將原隻烤鴨係我地面前展示然後片鴨，刀工俐落，然後再送上北京烤鴨餅皮同京蔥青瓜等配料。鴨肉大片厚肉，鴨皮酥脆鴨肉不肥膩， 值得 一讚餅皮有用點心紙隔開，可以保溫又唔會因為水氣令餅皮之間痴住咗。
🌀蒜蓉粉絲蒸元貝
蒜蓉同元貝真係perfect Match，蒜香提升咗元貝鮮味。扇貝有切走內臟非常乾淨，粉絲索滿扇貝鮮甜湯汁同蒜蓉味，好開胃。
🌀瑤柱海皇豆腐煲
豆腐煲加入大量魷魚同日本小瑤柱，配上大量炸香豆腐。 底部白菜索滿蠔油及瑤柱等海鮮精華，送飯一流。
🌀鮮菠蘿咕嚕肉
媽媽大推! 咕嚕肉炸粉皮薄，就算淋上酸甜汁都依然保持酥脆。棄罐頭菠蘿，幾有誠意用上新鮮菠蘿，酸甜多汁。
🌀大良炸鮮奶
外皮比較酥厚身，似炸麵包口感酥軟酥軟。內餡奶香濃郁，質地細滑好似食緊牛奶布甸咁。
