影片
更多
2022-11-22
858 浏览
差到要寫佢上黎真係第一次買左klook卷，$298一位，龍蝦大閘蟹果類既set啦，但呢間野好古惑真係又$48蚊醬料，又假日人頭，又加一，好普通既野飲櫃都要加$28，最後都要400蚊一個人頭咁唔緊要既，搵得呢d黎食，400蚊既價位係接受既，但呢間野既服務同環境係絕對唔值，大排檔都好過佢首先環境唔舒服，個位窄到痴線，要我跪上梳化再慢慢爬入去，地下又有油又有水，冼到痴線去廁所條路又係好多水同好多疊得好高既雜物之後野飲櫃d啤酒(雪花呢類低檔次d既)我唔岩飲，都係揀左逐枝叫番藍妹，$30蚊枝都ok既咁一般都可以要冰桶但可能要嗌2-3枝先有啦，咁我咪問經理幾多枝先有，佢話冇冰桶個WO我望一望每一枱個地下都有冰桶拎黎掉殼個wo，我心諗你係唔係Hea緊我?都算啦，呢個可以係話我高要求，但啤酒起個充滿蒸氣既環境到真係好快熱，冇咁好飲都未完，佢拎枝酒出黎果陣竟然係比膠杯我…佢話呢到冇玻璃杯驚打爛…心中已經一百句粗口，如果我係起茶餐廳食緊小菜嗌啤酒飲佢話冇玻璃杯我都仲可以接受，我食緊400蚊一個人頭既餐連玻璃杯都冇得用成杯啤酒係勁難飲變左…我都冇要求d杯要雪到凍一凍先拎出黎已經…$48蚊醬料得4樣野，豉油，
買左klook卷，$298一位，龍蝦大閘蟹果類既set啦，但呢間野好古惑真係
又$48蚊醬料，又假日人頭，又加一，好普通既野飲櫃都要加$28，最後都要400蚊一個人頭
咁唔緊要既，搵得呢d黎食，400蚊既價位係接受既，但呢間野既服務同環境係絕對唔值，大排檔都好過佢
首先環境唔舒服，個位窄到痴線，要我跪上梳化再慢慢爬入去，地下又有油又有水，冼到痴線
去廁所條路又係好多水同好多疊得好高既雜物
之後野飲櫃d啤酒(雪花呢類低檔次d既)我唔岩飲，都係揀左逐枝叫番藍妹，$30蚊枝都ok既
咁一般都可以要冰桶但可能要嗌2-3枝先有啦，咁我咪問經理幾多枝先有，佢話冇冰桶個WO
我望一望每一枱個地下都有冰桶拎黎掉殼個wo，我心諗你係唔係Hea緊我?
都算啦，呢個可以係話我高要求，但啤酒起個充滿蒸氣既環境到真係好快熱，冇咁好飲
都未完，佢拎枝酒出黎果陣竟然係比膠杯我…佢話呢到冇玻璃杯驚打爛…
心中已經一百句粗口，如果我係起茶餐廳食緊小菜嗌啤酒飲佢話冇玻璃杯我都仲可以接受，我食緊400蚊一個人頭既餐連玻璃杯都冇得用
成杯啤酒係勁難飲變左…我都冇要求d杯要雪到凍一凍先拎出黎已經…
$48蚊醬料得4樣野，豉油，辣椒，蔥，蒜粒，仲要係普通料，覺得好唔值，加埋一成50蚊得呢D咁基本既野…
黎到呢到已經只係想快d食完走人…
到海鮮，有樣野要讚既，龍蝦真係新鮮，真係即叫即湯，蒸起食落d肉彈牙同好濃味，好食，Size就少少細隻左d，唔係個service咁差我係會encore既，當晚$128半邊，算經濟既
生蠔，個size好細，仲衰過串燒店$48一對果d size，又唔係鮮甜，不過成個set先400蚊，冇得太高要求
呢到個service又出晒事，個蠔開唔到問個waiter點開，佢叫我搵手指zip個位去mak開佢，我果隻真係完全開唔到
叫個哥哥仔黎幫手或者教下我點開，佢搞左幾野搞唔掂，就放低起枱面，冇錯係枱面，之後行開左，話陣間幫我，然後結果梗係冇左回事…
真係茶記大排檔都冇咁衰…最後經理幫我開左
已經食到成肚氣，其他野都已經冇乜感覺…
蜆，好細隻，肯定係平野黎，但冇乜沙都甜甜地，冇乜特別
蝦大隻同新鮮既，呢個要讚，彈牙有味，好食既
咁我同女朋友都好鍾意食蟶子，咪問經理幾錢隻囉，佢話應該係28蚊，我心諗，點解係"應該"?，咁我真係想食嗌唔嗌好?
之後我請佢去確認下再覆我，之後又係冇左回事，呢間野d服務真係好唔掂，定係因為我係買團購票所以就比d咁既服務我?
d肉，個卷又話咩黑毛豬，M5和牛，一望就知係酒樓邊爐任食果d級數啦，不過都預左係咁，冇咩好講
但個service真係又要鬧…個哥哥仔將d肉夾到成粒廢紙球咁樣放去個蒸籠到，咁入面咪唔熟囉…你唔係完全平放都唔好夾到咁樣衰丫…
去到個牛我嬲嬲地叫佢比我自己整就算。
去到最後點心同大閘蟹，正常貨色，冇讚冇彈，大閘蟹都算新鮮，d膏個量同味都不過不失…
食到最後我想埋單，叫左三次個哥哥都聽唔到，最後我真係忍唔住開口鬧左個經理一句…叫左三次啦我…
總結就係我比左900蚊食左餐大排檔都不如既晚餐，公道一句，純食物質素好勉強合格啦，龍蝦會大讚，其他野我會寧願比多少少去番九重鮮食
服務上面已經講過好多，我覺得你收得呢個價錢個服務真係要跟得上，如果唔係幾好既食材都唔會好食…
環境上你個場起旺角就算啦，預左會咁樣，還好啦…
一句結論，去食九重鮮好過
张贴