影片
更多
2022-10-26
28 浏览
小店有兩層，座位都幾多同幾闊落，下午茶時間佢都坐滿晒人！裝修光猛，用咗橙黃色做主色調，小清新風格！食材來自台灣，都係由店主親自挑選，保留台灣嘅味道！------------------------------◖鹽酥雞配手工滷肉飯◗ $59可以跟配白飯、手工滷肉飯同埋手撕走地雞肉飯，揀咗+$12要個手工滷肉飯！滷肉肉味香濃，半肥瘦，唔會話成碗都係肥肉，食落唔會覺得油膩，飯粒用咗蓬萊米，比較煙靭有咬口，口感幾好！鹽酥雞都比得幾多，用咗雞髀肉，肉質比較嫩滑，食落去外面酥脆，鹹鹹地仲有啲九層塔喺面，好惹味呢！◖半筋半肉麵◗ $82可以自選湯底同埋麵款，揀咗紅燒湯同埋刀削麵！佢啲牛肉牛筋超級多，份量多到舖滿曬個碗，煮得軟腍牛筋入口即溶咁，口感好漿口！紅燒湯用上辣豆瓣，有少少辣，刀削麵煮得啱啱好，麵質夠煙韌，索曬啲湯，同埋啲酸菜一齊食好惹味！◖滷水豆腐◗ $20呢款小菜份量唔係好大，一碗仔大概有六片豆腐，豆腐彈牙多汁，味道正常。◖芋香珍珠奶茶◗ 跟餐+$14$14就可以加配係幾抵，叫咗走甜走冰，但芋香嘅味道唔太出，比較淡口。◖蜂蜜金桔檸檬◗ 跟餐+$14嘢飲微甜，鍾意佢落咗啲蒟蒻波波，甜
------------------------------
◖鹽酥雞配手工滷肉飯◗ $59
可以跟配白飯、手工滷肉飯同埋手撕走地雞肉飯，揀咗+$12要個手工滷肉飯！滷肉肉味香濃，半肥瘦，唔會話成碗都係肥肉，食落唔會覺得油膩，飯粒用咗蓬萊米，比較煙靭有咬口，口感幾好！鹽酥雞都比得幾多，用咗雞髀肉，肉質比較嫩滑，食落去外面酥脆，鹹鹹地仲有啲九層塔喺面，好惹味呢！
◖半筋半肉麵◗ $82
可以自選湯底同埋麵款，揀咗紅燒湯同埋刀削麵！佢啲牛肉牛筋超級多，份量多到舖滿曬個碗，煮得軟腍牛筋入口即溶咁，口感好漿口！紅燒湯用上辣豆瓣，有少少辣，刀削麵煮得啱啱好，麵質夠煙韌，索曬啲湯，同埋啲酸菜一齊食好惹味！
◖滷水豆腐◗ $20
呢款小菜份量唔係好大，一碗仔大概有六片豆腐，豆腐彈牙多汁，味道正常。
◖芋香珍珠奶茶◗ 跟餐+$14
$14就可以加配係幾抵，叫咗走甜走冰，但芋香嘅味道唔太出，比較淡口。
◖蜂蜜金桔檸檬◗ 跟餐+$14
嘢飲微甜，鍾意佢落咗啲蒟蒻波波，甜甜地又酸味味咁，幾好飲❤️
🌟Encore指數：8.5/10
张贴
