影片
更多
2022-04-27
848 浏览
早期喺香港嘅正宗日本料理唔多，加上居港日人數目大幅下降，喺90年代開業嘅日本料理都係針對本地食客。港式日本料理嘅出現，好大程度係因為百分百日本人口味未必啱香港人口味。於是，港式日本料理嘅廚師就會將一啲日本嘅特色食材，混合自己嘅創意，推出一啲新嘅菜式。明將壽司可以話係日本料理喺香港嘅表表者。另外，日本料理喺香港開始流行嘅早期，有啲人會喺食魚生刺身嘅時候，蘸上大量用芥末及醬油混成嘅糊狀物。踏入千禧年後，壽司店喺香港就如雨後春荀般湧現，例如板長、板前、爭鮮同埋一壽司等等。不過，隨著香港人對正宗日式料理認識多咗，一啲質素低劣嘅港式日本料理亦逐漸退場。但係遠遠估唔到喺半島酒店地庫商場開咗間港式日本料理-「釧」。話晒喺半島酒店入面，心諗應該有返咁上下質素，開張唔算太耐，訂位亦需要一點耐性。裝修設計係新頴，但一啲奢華感覺都冇，密質質，貫徹港人唔蝕底作風，大剎風景。可能你會話香港寸金尺土，係咁㗎啦，大佬吖，你收緊我頂級價錢，我唔係去加太賀食花之戀呀！講完門面，講下服務。唔知係咪疫情影響，除咗收錢嗰個之外，好似全部都未做過飲食業咁，更加唔好話高級餐飲。餐具擺位求其、對菜式內容了解不足、說話語調聲線缺乏自
踏入千禧年後，壽司店喺香港就如雨後春荀般湧現，例如板長、板前、爭鮮同埋一壽司等等。不過，隨著香港人對正宗日式料理認識多咗，一啲質素低劣嘅港式日本料理亦逐漸退場。但係遠遠估唔到喺半島酒店地庫商場開咗間港式日本料理-「釧」。
話晒喺半島酒店入面，心諗應該有返咁上下質素，開張唔算太耐，訂位亦需要一點耐性。裝修設計係新頴，但一啲奢華感覺都冇，密質質，貫徹港人唔蝕底作風，大剎風景。可能你會話香港寸金尺土，係咁㗎啦，大佬吖，你收緊我頂級價錢，我唔係去加太賀食花之戀呀！
講完門面，講下服務。唔知係咪疫情影響，除咗收錢嗰個之外，好似全部都未做過飲食業咁，更加唔好話高級餐飲。餐具擺位求其、對菜式內容了解不足、說話語調聲線缺乏自信；到廚師，Omakase坐吧枱係定律，唔坐由自可，一坐把幾火，當日並唔係壽司總廚富山幸人主理，（喺我隔離）由一位不知名的小師傅主理，妳出得場就應該準備充足，代表餐廳嘅名譽上場，可惜接連犯錯，一榻胡塗。小師傅不時同後面D同事吹水，（後面係另外兩位廚師幫手非吧枱嘅壽司order) 廚房場面顯得混亂，細聲講大聲笑，又手舞足蹈，䟴䟴腳，掉低枱面嘅食材唔理，仲要
連續兩件壽司介紹係深海池魚，我忍唔住當場皺眉，小師傅意識到立刻道歉，食到呢度我已經唔想再食，妳企得哩個位，唔該專業啲，理應係百分百專注面前嘅客人，唔係同妳D同事吹水講笑。低處未算低，突然有人喺廚房大聲打呵欠，原來係行政總廚，難怪小師傅有咁嘅工作態度，上樑不正下樑歪。
佈局、服務、廚師已經唔掂，食物亦都唔好得去邊。尤其那件中拖灑上一撮七彩芝麻，究竟我食緊啲乜嘢？我亦唔再介紹整個餐單，大家睇吓圖就算。「釧」用嘅食材唔平，可惜處理不當，著實浪費了出者的血汗努力，自然的羊毛出自羊身上，嗰啲食材嘅錢都係由你銀包淘出嚟。
一肚氣過後，同半島酒店聯繫一下，餐廳唔屬於佢哋，亦無半點關係，但有一間咁低素質嘅日本料理店出現，恐怕會拖累半島嘅聲譽。再去「釧」嘅官網望望，嗰啲大廚做個嘅餐廳，好似大和、銀座、見城、稻菊、竹壽司、Pier1939, CHINO, 全部都係一啲過氣嘅餐廳，根本唔會再去幫襯，拜托唔好再張90年代啲港式日本料理延續落去，還記得當年有日本網民來港嘗試明將壽司，形容進食嘅時候「感到地獄之門打開咗」，希望「釧」唔會成為香港嘅笑柄。
张贴
