No Money So Lonely

营业中

休息中

菜式名好有gimmick，裝飾亦都好有心機，但現場感覺地方D逼。有book台。唔建議又食正餐，又食甜品，冇咩可能好好咁去享受食物。Pizza 同火山咖喱味道ok，但唔夠熱，只可以話暖暖地。重有半個鐘多d，個待應直接拎個雪糕過黎，呢個行為真係好差。個正餐都未食完。明白餐廳想趕第二輪生意，但基本禮貌係應該提醒客人先，而唔係直接上菜。其他甜品都算，雪糕黎，放一陣都溶哂，所以係唔建議。員工好用心幫公司趕第二輪生意，時間未到，會催你，送上句”用餐時間得返10分鐘嫁咋，你地執埋野差唔多”。間餐廳格局設計唔得，中間好窄既走廊，待應行黎行去好易同客人相撞。轉身左右望下朋友係邊果d，差d同待應相撞，之後畀佢粗言問候。好似去左食澳牛咁。食物唔算差，但gimmick野都係打卡，但呢個咁趕既時間同服務真係好難去好好享受食物。或者諗定食咩再揀一兩樣野食好，叫多d野反而冇時間食。