LAB10 (已結業)

最鍾意食燒肉！誠意推介呢間韓國無煙燒肉俾大家，好耐以前同朋友都有食過但係當時仲未有任食放題，連埋加一，每個人都係大約$300左右個有超過50幾款食物任食任飲。我同朋友揀咗近門口嘅位置，先來叫咗好多唔同款式嘅牛肉豬肉同埋雞肉，令我欲罷不能嘅係梨汁牛五花，由於佢嘅脂肪比例比較多，望落去肉身係粉白色，曾經一度以為佢係豬肉，食落去口感非常之鬆軟，好似炒豬肉咁炒，香氣撲鼻，加埋佢原先嘅燒汁，我仲特登叫佢比多幾個檸檬角我，令我開胃少少同埋加咗檸檬汁啲肉就冇咁油膩啦！另外安格斯牛版見都係好薄身，兩邊燒香左，唔使全熟都已經好好食，另外呢度居然仲有海鮮，一年食咗好多隻海蜆，除此之外仲有虎蝦同埋魷魚鬚添！ 如果唔想食太多燒烤野，呢度仲有豆腐湯同埋紫菜醬油飯，個飯唔錯，有雞蛋醬同埋多塊紫菜，兩者一齊攪拌，再加埋燒肉同飯一齊食，感覺好滑嫩，極滋味！最後飲品仲叫咗青檸梳打同菠蘿梳打兩款飲品都唔太甜較健康，而甜品叫咗棉花糖同埋Brownies，可以燒燒佢再食就更好。