御品·千之味 (Eastmark)

营业中

休息中

一直都係千之味嘅常客，之前叫壽司外賣同壽司蛋糕已經幫襯過好多次，都好鍾意佢哋嘅壽司，因為份量好足，而且好新鮮。前排聽朋友講原來佢哋而家做緊壽司放題， $188就可以有60分鐘任食放題，仲可以加$78升級，更加多壽司選擇，甚至多咗30分鐘慢慢食。今日嚟到九龍灣嘅呢間分店，一入到去已經好多客人，見到每一台基本上都放住幾舊海膽，海膽份量超多，而且好鮮甜。另外大吞拿魚同中吞拿魚都非常厚切，好有驚喜。基本上想得菜嘅壽司刺身嘅份量都唔少，唔會剩係得夠白飯。除咗壽司之外，其實仲有少量其他菜式，包括唔同嘅炸物，例如章魚小丸子、薯格等等，以及一啲日式前菜，例如中華沙律，螺肉等等，作為一個壽司放題選擇都幾多下，而且仲有飲品任飲，有齊壽司最好配嘅紙包茶，同埋平時放題店會見到嘅忌廉溝鮮奶等等。