御名園 (已結業)

星期六、日、公众假期 午巿点心放题$168/成人 (另收加一茶芥；3:15pm Last Order)食得放题梗系要密密嗌密密食，呢度有超过40款点心小食任你嗌；平时饮茶唔会嗌嘅嘢食今次一次过叫晒😆😆😆放题每位成人送极品花胶灌汤饺1盅、鲍鱼烧卖1件。坐低无耐楼面姐姐已经好快送上💁🏻‍♀️灌汤饺绝无欺场，花胶软滑、烧卖卖相精致，鲍鱼弹牙爽口👍🏼🌼 酒楼必食传统点心包括大大粒鲜味虾饺皇、蟹籽烧卖皇；鲜虾/牛肉/叉烧肠粉滑溜馅料足；香煎腊味萝卜糕煎得香脆，配辣酱食一流👍🏼 水晶鲜虾菜苗饺外皮烟韧，啖啖菜肉口味清新、爆汁小笼包绿色外皮几得意😎唯鲜竹卷略嫌腐皮太厚🌼巧手小食水晶镇江肴肉酸甜甜好开胃、椒盐一口豆腐粒有啲咸、百香果无骨凤爪带微辣，清新之选🌼甜品干清枣皇糕好香椰汁味，必食推介👍🏼黑糖爆浆糍粑同酥炸大良鲜奶炸得酥脆，喜欢甜品嘅你唔好错过。杏仁豆腐芋圆布甸香滑，但不见芋圆🥺蕃薯糖水带姜味，蕃薯够甜🍠最后仲叫咗个陈皮脆香烧鹅濑粉，濑粉弹牙煮到啱啱好，烧鹅皮脆有肉汁👌🏼虽然系放题，但食物质素仍然keep到，味道水准之上。个人嚟讲必食嘅系枣皇糕，蒸到热辣辣，红枣椰香飘逸🤭就算唔食放题，平时嚟呢度饮