牛摩+ (新都城中心二期) (已結業)

聽朋友講，呢間日式火鍋任食都係新都城開左好耐；平時食放題最怕張台太細，啲位又太窄，食得唔夠舒服，呢間餐廳坐位相當闊落，唔怕啲野食唔夠位擺，可以坐低慢慢食，肉類都有幾多選擇，今次叫左佢地$189既特選美國牛肩胛套餐，除左任食既肉類、蔬菜、甜品、飲品外，仲有期間限定既韓國祭，供應幾款韓式小食。🥣湯底 / 醬料區: 醬料有好多選擇，仲相當整潔；湯底就叫左港式蕃茄薯仔同昆布鰹魚清湯，都唔錯，口感清新，飲左幾淡都唔會話好口渴，職員仲會好主動咁幫你加湯，服務有禮。🥩任食肉類 - 牛、豬、雞、羊 今次個set包任食牛肩胛，肉質唔差，脂肪分佈幾平均，平時打邊爐最怕啲超肥既肥牛，今次就岩岩好；豚肉係薄切既，唔怕烚好耐，又唔怕柴；個人都幾鍾意羊肉，唔會有咩羶味，肉質軟嫩，連平時唔食羊既朋友，都主動話要叫多幾碟。🇰🇷任食韓式小食餐廳做緊期間限定既韓國祭，有幾款韓式小食 - 炸雞、紫菜粉絲卷同牛肉餅，即叫即製，熱辣辣。🥦任食蔬菜、火鍋料、麵食蔬菜好新鮮同乾淨，火鍋料方面有唔同既丸類、泡菜餃子、年糕，個人幾鍾意韓式魚餅；麵食除左有拉麵，仲有韓國公仔麵，仲可以自己加芝士。🍨任食飲品、甜品除左汽水，仲有芒果同提子沙