上個星期六就同朋友早dd去到，未坐滿就直入，叫左任燒90分鐘
我哋見到有社交平台轉發送海鮮活動，就問左一位男店員點整，佢好細心咁教我地同解釋，亦都非常有禮貌，值得一讚！
等左冇耐d食物黎到，我哋燒左一round發現得2-3款牛係好食，d雞同豬完全唔ok燒唔熟又勁硬，完全咬唔到，係得豬頸肉最好食。
燒到差唔多我地就追加左一次幾款肉，都黎得幾快。
但到差唔多食左一個鐘，我哋再加多一次肉，點知等左15分鐘都遲遲唔黎。
跟住突然就黎左張單要我哋埋單走人，個時先入座65分鐘，姐係應該仲有25分鐘先夠鐘？我哋就同佢哋一個眼鏡呀姐講話未夠鐘wo仲有你有食物未到，佢就答我哋: “你哋得翻5分鐘燒，係咪燒得切？” 我望一望電話，明明就仲有20+分鐘先夠鐘...點知佢話: “你哋五分鐘内燒得切嘰話我咪送多五分鐘俾你地囉??” 下 明明仲有25分鐘，食物15分鐘就叫左你又唔黎，而家仲同我哋講話俾翻食物我哋ok但5分鐘内要燒曬，仲話送多5分鐘俾我哋wo? 真係多謝晒😂😂
我哋入去食都係諗住佢無煙，點知食到成頭煙。大家入去前要三思，$300 90分鐘任燒，要一個鐘內要食曬架，唔好諗住慢慢食呀
埋完單出去諗住應該好多人等，點知完全冇人排隊
