牛角日本燒肉專門店 (已結業)

講真我覺得牛角都偏貴，所以好耐之前食過一次之後就冇再食過啦，不過最近先知原來旺角分店九點後有放題，仲要唔貴，大概二百幾蚊一位，所以一定要試下。8:00左右上到來，侍應話可以排隊攞飛先，8:45可以上返嚟等叫飛入坐。環境舒適，四人座幾寬敞。放題分3款價錢，中價個款有牛肉，牛肉雖然唔係最靚嗰款，不過我覺得都已經幾好食。飲品款式都好多，其中最中意凍柚子蜜，其他仲有梳打汽水等等。最後送上每位一個甜品，係豆腐雪糕，味道淡淡地加埋oreo粉，都幾好食。