影片
更多
2018-05-28
378 浏览
同閨蜜行街前搵地方食個早飯，喺旺角想搵間平平地都又坐得舒服既餐廳，最後㨂左哩間。一入門口已經見到好多胡桃夾子擺設，好特別。仲有好多Board game同Figure display，仲有部電視。入面既環境都好靚，有圓形既梳化位，窗邊卡位同包廂。可能因為我地比較早，餐廳無咩人，所以我地坐左包廂其中一邊，傾計超舒服。我地叫左個二人餐 $288/2位二人餐已經包沙律或餐湯，小食，主菜五㨂一，甜品三㨂二，仲有一杯$30飲品。想試特飲既朋友，加$10就可以了。頭盤：忌廉蘑菇湯一送到入黎已經聞到好香，香草同牛油味重(我最鍾意)。飲落好Creamy，好滑，足料。朋友都大讚！小食：蜜糖雞翼拼芝士薯條好大碟，有六隻雞翼，仲要係粗薯條，上面有炸蒜粒同好多芝士醬，雞翼仲有啲生菜墊底。雞翼食落一啲都唔油膩，反而係清甜既蜜糖味，外脆內滑，仲保留好多肉汁。粗薯條配芝士醬真係無得輸，香脆有口感。有時仲要點到雞翼啲蜜糖，鹹鹹甜甜咁。我地清晒成碟，好誇張。主菜：黑椒汁牛柳粒飯原來係比較似中式既牛柳粒飯，黑椒味偏重，但無蓋過個牛肉味，再配埋個汁就岩岩好。牛柳粒唔會太淋都，口感岩岩好，一啖一粒。甜品：紐約芝士蛋糕 同 藍苺
同閨蜜行街前搵地方食個早飯，喺旺角想搵間平平地都又坐得舒服既餐廳，最後㨂左哩間。一入門口已經見到好多胡桃夾子擺設，好特別。仲有好多Board game同Figure display，仲有部電視。入面既環境都好靚，有圓形既梳化位，窗邊卡位同包廂。可能因為我地比較早，餐廳無咩人，所以我地坐左包廂其中一邊，傾計超舒服。我地叫左個二人餐 $288/2位
二人餐已經包沙律或餐湯，小食，主菜五㨂一，甜品三㨂二，仲有一杯$30飲品。想試特飲既朋友，加$10就可以了。
頭盤：忌廉蘑菇湯一送到入黎已經聞到好香，香草同牛油味重(我最鍾意)。飲落好Creamy，好滑，足料。朋友都大讚！
小食：蜜糖雞翼拼芝士薯條好大碟，有六隻雞翼，仲要係粗薯條，上面有炸蒜粒同好多芝士醬，雞翼仲有啲生菜墊底。雞翼食落一啲都唔油膩，反而係清甜既蜜糖味，外脆內滑，仲保留好多肉汁。粗薯條配芝士醬真係無得輸，香脆有口感。有時仲要點到雞翼啲蜜糖，鹹鹹甜甜咁。我地清晒成碟，好誇張。
主菜：黑椒汁牛柳粒飯原來係比較似中式既牛柳粒飯，黑椒味偏重，但無蓋過個牛肉味，再配埋個汁就岩岩好。牛柳粒唔會太淋都，口感岩岩好，一啖一粒。
甜品：紐約芝士蛋糕 同 藍苺芝士蛋糕兩款蛋糕都好滑，給芝士味特出，餅底鬆脆。藍苺醬酸甜度適中，食到清新既檸檬味，飯後仲可以食晒成件。
飲品：紅苺果茶 同 小天使餐牌有介紹每隻茶有咩成份同有咩功效，享受之餘仲飲得健康。最緊要係飲完可以免費加水再沖。
最後我地食左差唔多兩個幾鐘，無俾人趕。服務員仲超好人，主動幫我地加野飲，笑容滿面。坐得又舒服，食物有質素，地點又就腳。下次一定會再黎試埋其他野食。
张贴
