森戶 (官塘立成大廈) (已結業)

今日放工突然想食日本嘢，同同事去咗觀塘，比一間叫森户嘅日本餐廳吸引咗，門口放着大大個八五折嘅poster，真係唔食唔得。餐廳嘅食材都係由日本直送來香港，好新鮮。我嗌左一份 Omakase有12件壽司，真係超級豐富，有甜蝦壽司，三文魚壽司，深海油甘魚壽司，拖羅壽司，蔥吞拿魚腩壽司，火灸左口魚壽司等等。 火灸左口魚壽司幾唔錯，燒得好均勻，肉質肥美，夠晒脂肪。另外，我仲嗌左一份鰻魚飯，鰻魚有我兩隻手掌咁大，係我食過最大條嘅鰻魚，鰻魚醬甜甜地，同鰻魚好夾。鰻魚肉質新鮮，真係食過返尋味。新鮮，真係食過返尋味。鰻魚飯都幾大份，夠兩個成年人食。我坐嘅位置對住廚師，見到師傅包壽司嘅手勢好正宗，視覺同味覺都好有滿足感。