八〇

营业中

休息中

身處旺角鬧市中嘅依間cafe，由2位八十後主理，採用咗大量工業風嘅水泥、鐵板為裝飾，配搭大量綠色植物嘅點綴，一齊體驗下八十後嘅生活態度。日本明太子手羽全日早餐餐廳主打菜式就係全日早餐，有經典、明太子手羽同加拿大龍蝦3款，今次叫咗明太子手羽，食物款式上同普遍全日早餐大同小異，但其實係每一款上都加咗唔少心思，驚喜不斷，例如茄汁豆中加咗香脆嘅煙肉粒，窩夫中又加入黑糖麻糬，經典得嚟又充滿創意。俄羅斯烤牛柳闊條麵牛柳外面帶有焦香味，而入面啲肉依然粉嫩不韌，醬汁以忌廉蘑菇汁為底，應該仲加入咗肉桂！食落更加香濃又唔會太膩。八十後士多啤梨及藍莓乳酪沙冰果味香濃，食到好多水果粒，吾會好似外面餐廳只加糖漿😉質感似溶化中的雪糕~飲完清爽透心涼！朱古力鮮奶味道唔會太甜，朱古力味更為突出，鮮奶滑而香，兩者配搭嘅比例亦恰到好處。