49
22
10
等级1
2
0
2016-08-01 2069 浏览
18 周年 $8 振市大優惠第二個星期輪到中環分店,由 2016-07-25 星期一至 2016-07-31 星期日一連 7 日,我食咗 6 日,分別係星期一、二、四至日。我最早嗰日七點四個幾字到,最遲嗰日八點一個字到。最前試過排第一,最差試過排廿幾。只有一日要八點一個幾字先入得去,其他咁多日都係夠鐘,甚至未夠鐘就入得。等飯時間最耐唔使三個字,最快唔使一個字,多數係一個字左右。個飯除咗第一日係用佢哋海報所示嘅砵上之外,其他咁多日都係用錫紙製嘅砵上,食完掉咗就得,唔使洗。人就應該係星期四最多,星期五次之,星期六應該比星期一至五都少,而星期日就應該係最少人嘅一日。講返個飯——牛魔王芝士焗飯(M025),其實係一半咖喱牛坑腩,一半黑椒牛仔骨,下面有芝士,最下面係飯。熱騰騰,芝士唔係太多,同埋熔咗,如果矇住眼食就唔覺有芝士,咖喱牛坑腩唔辣,好味,黑椒牛仔骨有時嫌佢肥肉多咗啲,除此之外就都唔錯。焗飯製作應該無難度嘅,有焗爐就得,主要應該係啲材料得唔得啫。個飯平時賣 $52,好似仲要加一,而我食咗 6 日,就只係 $48。佢地晏晝都有個芝士焗咖喱牛坑腩飯(L205)(少咗黑椒牛仔骨),$49。晚黑
更多
18 周年 $8 振市大優惠第二個星期輪到中環分店,由 2016-07-25 星期一至 2016-07-31 星期日一連 7 日,我食咗 6 日,分別係星期一、二、四至日。

我最早嗰日七點四個幾字到,最遲嗰日八點一個字到。
最前試過排第一,最差試過排廿幾。
只有一日要八點一個幾字先入得去,其他咁多日都係夠鐘,甚至未夠鐘就入得。
等飯時間最耐唔使三個字,最快唔使一個字,多數係一個字左右。
個飯除咗第一日係用佢哋海報所示嘅砵上之外,其他咁多日都係用錫紙製嘅砵上,食完掉咗就得,唔使洗。
人就應該係星期四最多,星期五次之,星期六應該比星期一至五都少,而星期日就應該係最少人嘅一日。

講返個飯——牛魔王芝士焗飯(M025),其實係一半咖喱牛坑腩,一半黑椒牛仔骨,下面有芝士,最下面係飯。熱騰騰,芝士唔係太多,同埋熔咗,如果矇住眼食就唔覺有芝士,咖喱牛坑腩唔辣,好味,黑椒牛仔骨有時嫌佢肥肉多咗啲,除此之外就都唔錯。焗飯製作應該無難度嘅,有焗爐就得,主要應該係啲材料得唔得啫。個飯平時賣 $52,好似仲要加一,而我食咗 6 日,就只係 $48。
佢地晏晝都有個芝士焗咖喱牛坑腩飯(L205)(少咗黑椒牛仔骨),$49。
晚黑亦有個芝士焗咖喱牛坑腩飯(M027)(少咗黑椒牛仔骨),$50。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2016-07-31
等候时间
2 分钟 (堂食)
人均消费
$8 (晚餐)