倚窗閣

营业中

休息中

好耐無食自助餐，之前見到呢間自助餐有齊哂想食野，二話不說馬上訂，經eshop訂仲會有下午餐送，超抵值。平時好難得d自助餐可以又有鴨肝加生蠔，今次仲要有埋男友最愛既乳豬同和牛生蠔每次只能拎2隻，走足幾轉排到一整碟滿滿的生蠔😂😂蟹腳鮮甜😍😍仲有好濃既蘑菇湯，鴨肝，和牛，乳豬會輪流不停出，一出會有人搖鈴通知，好攪笑。食哂以上都已經好飽，其他熱食反而無咩點食，不過都見到有好多唔同款，又有龍躉，水城雞翼牛舌等等。甜品都有好多款，食左勁多梳乎厘😆中秋關係仲有奶皇月餅食添。整體都好滿意，食得勁滿足，不過就真係人比較多，但都算ok，見到9月轉左做韓牛主題，有機會都可以再試👍🏻👍🏻👍🏻👍🏻👍🏻