影片
更多
2021-06-03
85 浏览
今次同朋友試一間位於尖沙咀新開業既居酒屋未入門口四顆燈籠高高掛係度 非常eye-catching而且仲播放住J-POP 令我彷彿置身於日本原本訂咗枱但可能太多booking關係 漏咗我個個但負責人即刻非常貼心立刻安排入座 而且仲安排咗間房俾我補數員工同負責人態度亦十分好 更令我回想起日本文化 - 有禮而打開menu食物種類都好多款式，有刺身，丼飯，小食，爐端燒，揚物，一品料理等等，當然唔少得我好鍾意既”Shabu Shabu” 啦！可能最近「芫荽風」吹得太行，想食既呢度都有得俾你食架！但可惜我對佢無感，但友人試咗佢杯「芫荽鳳莉冰」$48，聞落好fresh，可能因為有新鮮鳳莉配搭下，即刻覺得都唔錯！而我試咗杯最簡單既「青檸梳打」，甜度適中。我地係咁多款美食之中，係唔同類別挑選咗啲嚟試下，咁先試到佢「真功夫」架嘛。甜蝦刺身$36/3件幾鮮甜同都俾我想像中大隻，抵食！炙燒左口魚裙邊$48/6切哇呢個真係不得了～我本身對左口魚裙邊有一定既偏愛佢燒完個個口感好正，有返佢本身既油份之餘完全唔會油膩！鍾意左口魚裙邊既朋友千其唔好錯過～再嚟食返啲串燒先～鹽燒雞皮串$22+鹽燒牛舌$48雞皮好爽都脆口，
未入門口四顆燈籠高高掛係度 非常eye-catching
而且仲播放住J-POP 令我彷彿置身於日本原本訂咗枱但可能太多booking關係 漏咗我個個
但負責人即刻非常貼心立刻安排入座 而且仲安排咗間房俾我補數
員工同負責人態度亦十分好 更令我回想起日本文化 - 有禮
而打開menu食物種類都好多款式，有刺身，丼飯，小食，爐端燒，揚物，一品料理等等，當然唔少得我好鍾意既”Shabu Shabu” 啦！可能最近「芫荽風」吹得太行，想食既呢度都有得俾你食架！
但可惜我對佢無感，但友人試咗佢杯「芫荽鳳莉冰」$48，聞落好fresh，可能因為有新鮮鳳莉配搭下，即刻覺得都唔錯！而我試咗杯最簡單既「青檸梳打」，甜度適中。
我地係咁多款美食之中，係唔同類別挑選咗啲嚟試下，咁先試到佢「真功夫」架嘛。甜蝦刺身$36/3件
幾鮮甜同都俾我想像中大隻，抵食！
炙燒左口魚裙邊$48/6切
哇呢個真係不得了～我本身對左口魚裙邊有一定既偏愛佢燒完個個口感好正，有返佢本身既油份之餘完全唔會油膩！
鍾意左口魚裙邊既朋友千其唔好錯過～
再嚟食返啲串燒先～
鹽燒雞皮串$22+鹽燒牛舌$48
雞皮好爽都脆口，但可以再燶多小小，而牛舌份量適口中唔會“un”，燒得啱啱好
然後就到我個壽喜燒，今次點咗A4黑毛和牛(200g)$298
牛大大塊，油花好均勻，另外亦跟咗個野菜豆腐鍋，食材非常新鮮，唔會話因為係跟餐所以求其俾啲唔靚既料你！而最令我驚喜既係入便既葛絲，佢無粉絲咁“淋”又無烏冬咁heavy，但實在太好味了，因為佢充份咁吸晒個湯底，非常夠飽！同行友人亦非常同意，所以encore多一份，唔洗爭！
然後我地仲叫咗個軟殼蟹天婦羅$68
處理得好好，粉唔會太多，好味呀！
燒廣島生蠔$48 （二本）
生蠔尚算大隻，而個汁啱啱中和咗生蠔個creamy感覺，甜中帶點酸，絕配！
鹽焗牛舌$38
呢個係同頭先個鹽燒牛舌完全唔同感覺，texture亦因應煮法有所不同，刀功一流，薄片上更能食得出牛舌個香。
鹽燒鴨舌$38
燒得十分均勻好香，有點脆口，火候剛剛好，唔會太乾，再加幾滴檸檬汁，佐酒一流！燒冰火菠蘿$25
燒得十分金黃，一層薄薄糖衣包住菠蘿既肉，但唔會過甜，仲燒得好乾身，所以忍唔住encore咗一個！當係甜品亦係一個好選擇。
另外，鍾意飲日本酒既朋友千其唔好錯過，佢有好多唔同種類俾你慢慢揀，同朋友一邊傾計一邊歎酒，令和絕對係你既好選擇！
最後，俾完錢之後行返出去先細心欣賞返行入餐廳既佈置，真係別出新穎，好日本feel呀～
而依家因為係新張期間，令和仲做緊8折迎賓，我諗我下次會叫多2個朋友一齊去，再試多啲唔同種類既美食！
张贴
