環境都算大家同埋每張枱都分開一定距離，拎食物要帶口罩同埋食物都多數有蓋蓋住。
刺身有油甘魚，帶子，三文魚，吞拿魚，䲞魚同埋甜蝦，試齊咁多種，都有平均以上既水準同新鮮，最突出真係油甘魚
，鮮色，光澤，味道亦一流。三文魚亦都肥美，冇雪味。
之後冷盤有蟹腳同龍蝦，亦都冇雪味同發霉，枱上亦都有齊鉸剪2把可用。
跟住沙律，有67種菜選擇，可點自己配搭唔同花款，火腿更加有4種
熟食有唔少日式泰式系，我試左佢天婦羅，炸得非常好，落漿唔會過多，蝦，南瓜同茄子都好食
中式有點心，燒味，點心都可以不過拿取就有點難，因為太熱
個人推介一定要食佢既西冷
，當晚我食左佢3件唔同既西冷，3件都好有水準
甜品我都係雪糕系既，盡食佢唔同味道，當晚有茅台味，確實係好突出既茅台酒香，變成雪糕都唔會太難入口，同少少雲呢拿味夾，會中和個味道更香。
另外個軟雪糕既咖啡味都香濃同滑。
侍應生既密度都非常足，每1至2分鐘都會有人行過望望執拾，總體非常滿足，食生蠔既朋友會更岩，有得供應。
