牛涮鍋 (已結業)

二人打邊爐，臨急臨忙買唔切嘢，醒起牛涮鍋有外賣set。平日食晏放題已經覺得唔錯。大概七點半打去問，員工話到咗先order, 唔可以落定單先，十五分中去到，即刻叫咗799 set 。但就等咗好耐有啲嬲嬲地。個煲係幾靚，其實唔計個煲，個食物都係333，其實都好底玩。肉嘅質素都好好，好大片好完整，有丸有菜有餃，份量岩岩。海鮮雖少，但新鮮就好。蝦靚，蜆仔全都開到。湯底點咗甜醬油湯。配料簡單，只有豉油同麻醬。話晒都日式火鍋，有麻醬配豬肉就夠好。