甜入心 (好運中心) (已結業)

魚肉吐司，脆邊薄皮。有新鮮蕃茄配厚魚肉，所以唔會乾身，仲以為魚肉係吞拿魚，點知係真係一舊舊魚肉，欣賞32蚊包埋飲品都有咁！牛肉吐司，好juicy黑辣味，肉碎肉做成既一舊，重點唔乾身仲配青瓜係比較fresh。吐司比魚肉吐司厚身，但邊都係脆。黑松露吐司，勁多野菌配少少蕃茄，juicy升級。包皮又係勁厚，多料，不是肉食動物的必食之選，健康過前2者好多！3個吐司都送野飲，分別可選荔枝白露 芒果紅茶 蘋果紅茶同金桔檸檬。朋友叫左峰之戀，所以我地只飲金桔檸檬同荔枝白露。金桔檸檬少少酸配有蜜糖味，但唔會過甜，岩哂配甜品同吐司，正。可以少冰，但唔記得左。荔枝白露好晶瑩剔透，好清新又有椰果係底。3杯之中佢最甜，但荔枝味好濃。峰之戀主材料係提子，上面有雲尼拿雪糕同提子汽水既味，好冰涼。雪糕同提子汁味都幾配！朱古力心連心窩夫好重朱古力，好多朱古力醬但唔會好甜好口乾。心形窩夫有4舊，好大份48蚊連野飲。窩夫少少脆，中間就軟食d，吸朱古力醬同朱古力雪榚。侯爵特濃72心太軟，話明濃就真係濃既haha，仲要爆汁。本身不是甜，配左雪榚更加凸顯朱古力濃味，好滿足。鐘意朱古力既野可食，因為份量唔算大，所以唔算有罪惡感既。